சிறைச்சாலை மோதல் போன்று எதிர்காலத்தில் நடக்காமல் இருக்க அரசாங்கம் வழங்கும் உத்தரவாதம் என்ன?- அநுர
In இலங்கை December 1, 2020 11:10 am GMT 0 Comments 1395 by : Yuganthini
மஹர சிறைச்சாலையில் இடம்பெற்ற சம்பவத்தைப் போன்று எதிர்காலத்தில் நடக்காமல் இருக்க அரசாங்கம் வழங்கும் உத்தரவாதம் என்ன என்று ஜே.வி.பியின் தலைவர் அநுரகுமார திஸாநாயக்க கேள்வி எழுப்பினார்.
நாடாளுமன்றில் இன்று (செவ்வாய்க்கிழமை) 27 இன் கீழ் இரண்டாம் நிலையியற் கட்டளையின் கீழ் உரையாற்றுகையிலேயே அவர் இவ்வாறு குறிப்பிட்டார். அநுரகுமார திஸாநாயக்க மேலும் கூறியுள்ளதாவது, “மஹர சிறைச்சாலையில் ஏற்பட்ட வன்முறையைக் கட்டுப்படுத்த, பாதுகாப்புத் தரப்பினரால் மேற்கொள்ளப்பட்ட துப்பாக்கிப் பிரயோகத்தில் கைதிகள் உயிரிழந்துள்ளதோடு, பலர் காயமடைந்துள்ளனர்.
அரசாங்கத்தின் பொறுப்பில் உள்ளவர்களே இவ்வாறு உயிரிழந்தும் காயமடைந்தும் உள்ளார்கள். கைதிகள் தப்பிச் செல்ல முற்பட்டதாலேயே இந்த வன்முறைச்சம்பவம் இடம்பெற்றதாகக் கூறப்படுகிறது.
எனினும், இதன் பின்னணியின் உண்மைகள் வெளிக்கொண்டுவரப்பட வேண்டும் என்பதுதான் எமது நோக்கமாகும். சிறைச்சாலைகளில் இடப்பற்றாக்குறை நிலவுவதாகவும் கூறப்படுகிறது.
இந்த நிலையில், மஹர சிறைச்சாலையில் 80 வீதத்திற்கும் அதிகமானோர் விளக்கமறியல் கைதிகள் என்றுக் கூறப்படுகிறது. நேற்று வைத்தியசாலையில் சேர்க்கப்பட்ட 40 பேரிடம் மேற்கொள்ளப்பட்ட ரெப்பிட் என்டிஜன் பரிசோதனையில் 26 பேருக்கு கொரோனா தொற்று ஏற்பட்டுள்ளது.
இதனைப் பார்க்கையில், அந்தச் சிறைச்சாலையில் 70 வீதமானோருக்கு வைரஸ் தொற்று இருக்கலாம் என்றே தெரிகிறது. சிறைச்சாலைகளில் இடப்பற்றாக்குறை நிலவும் இந்தத் தருணத்தில், 11 மாதங்களுக்கு மேலாக வழக்குகளும் விசாரிக்கப்படவில்லை.
அத்தோடு, தங்களுக்கு பி.சி.ஆர்.பரிசோதனைகளை மேற்கொள்ளுமாறுதான் கைதிகள் வலியுறுத்தி, பிரச்சினையில் ஈடுபட்டுள்ளார்கள். இதனை அரசாங்கம் முதலில் புரிந்துக் கொள்ள வேண்டும். இது மிலேச்சத்தனமானதொரு செயற்பாடாகும்.
இதுபோன்ற சம்பவங்கள் எதிர்க்காலத்தில் இடம்பெறாமல் இருக்க அரசாங்கம் மேற்கொள்ளப்போகும் நடவடிக்கை என்ன? சிறைச்சாலைகளில் இருக்கும் இடநெருக்கடியை இல்லாது செய்ய அரசாங்கம் என்ன செய்யவுள்ளது? என்பதை நாம் கேட்க விரும்புகிறோம்.
அத்தோடு, இறந்தவர்கள் தொடர்பாக உடற்கூற்றுப் பரிசோதனையும் மேற்கொள்ளப்பட வேண்டும் என நாம் கேட்டுக் கொள்கிறோம்” என அவர் குறிப்பிட்டுள்ளார்.
மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.
பிந்திய செய்திகள்
-
நாட்டில் மேலும் எட்டுப் பேர் கொரோனா தொற்றினால் உயிரிழந்துள்ளதாக சுகாதார சேவைகள் பணிப்பாளர் நாயகம் உற
-
நாட்டில் மேலும் 428 பேருக்கு கொரோனா வைரஸ் தொற்று கண்டறியப்பட்டுள்ள நிலையில் இன்று மட்டும் 749 பேருக்
-
கொரோனா தடுப்பூசியின் அவசியத்தை மக்கள் உணர வேண்டும் எனவும் தடுப்பூசி விவகாரத்தில் அரசியல் செய்யவேண்டா
-
நாட்டின் நிலைமைகள் சீராக உள்ளதை சுகாதார அமைச்சு மற்றும் தொற்றுநோய்த் தடுப்புப் பிரிவினர் உறுதிப்படுத
-
அமெரிக்க ஜனாதிபதியாகப் பதவியேற்கும் முதல் நாளில் ஜோ பைடன் பல நிர்வாக உத்தரவுகளைப் பிறப்பிக்கத் திட்ட
-
தமிழகத்தில் கடந்த 24 மணி நேரத்தில் 589 பேருக்கு கொரோனா வைரஸ் தொற்று கண்டறியப்பட்டுள்ளதாக தமிழக சுகாத
-
2020ஆம் ஆண்டு கல்விப் பொதுத் தராதர உயர் தரப் பரீட்சைப் பெறுபேறுகள் எதிர்வரும் ஏப்ரலில் வெளியிடப்படவு
-
நாட்டில் மேலும் 321 பேருக்கு கொரோனா வைரஸ் தொற்று கண்டறியப்பட்டுள்ளதாக இராணுவத் தளபதி சவேந்திர சில்வா
-
யாழ்ப்பாணத்தில் மண்டைதீவு மற்றும் மண்கும்பான் பகுதிகளில் கடற்படையினரின் முகாம் அமைப்பதற்காக காணி சுவ
-
இலங்கையில் தற்போது பரவும் வைரஸ் பிரித்தானியாவில் பரவும் வைரஸுக்கு ஒப்பானது என பொது சுகாதார அதிகாரிகள
