தமிழர்களை கண்காணித்த புலனாய்வாளர்கள் தேசிய பாதுகாப்பில் பின்னடைவு
In ஆசிரியர் தெரிவு April 29, 2019 9:35 am GMT 0 Comments 2325 by : Yuganthini
தமிழர்கள் ஆயுதம் ஏந்துகின்றார்களா என்பதை கண்காணித்து வந்தார்களே தவிர நாட்டின் பாதுகாப்புக்கு அச்சுறுத்தல் காணப்படுகின்றதா என்பதை பாதுகாப்பு தரப்பினர் கவனத்திற்கொள்ளவில்லையென வடக்கு மாகாண முன்னாள் எதிர்க்கட்சித் தலைவர் சி.தவராசா தெரிவித்துள்ளார்.
யாழ்ப்பாணம் கொக்குவில் பகுதியிலுள்ள அவரது இல்லத்தில் இன்று (திங்கட்கிழமை) நடைபெற்ற ஊடகவியாளர் சந்திப்பிலேயே சி.தவராசா இதனை குறிப்பிட்டுள்ளார். அவர் மேலும் தெரிவித்துள்ளதாவது,
“தமிழீழ விடுதலைப் புலிகளின் ஆயுதப் போராட்டத்தை முறியடித்த இறுமாப்பிலேயே பாதுகாப்பு தரப்பினர் இருந்தனரே தவிர நாட்டில் வன்முறைகள் ஊடுருவதை எதிர்பார்த்திருக்கவில்லை.
மேலும் வடக்கு- கிழக்கிலுள்ள தமிழர்கள் மீண்டும் ஆயுதம் ஏந்துகின்றார்களா என்றே கவனம் செலுத்தி வந்தனர்.
உலக வளர்ச்சிக்கேற்ப, ஏனைய பரிமாணங்களில் நாட்டில் பயங்கரவாத செயற்பாடு ஊடுருவுகிறதா என்பது பற்றி அவர்கள் கவனத்தில் கொள்ளவில்லை.
இதேவேளை இரு தேசியக் கட்சிகளும் இணைந்து நாட்டில் நல்லாட்சி அரசை அமைத்தது. ஆனால் அண்மையில் நாட்டில் ஏற்பட்ட அரசியல் குழப்பநிலை காரணமாக ஜனாதிபதியும் பிரதமரும் ஒருவர் மீது ஒருவர் வெறுப்புக்களை காட்டிக் கொண்டிருக்கின்றனர்.
அவர்களின் வெறுப்புணர்வு மற்றும் முரண்பாடுகளின் விளைவையே மக்களாகிய நாம் அனுபவித்து வருகின்றோம்.
நாட்டில் இடம்பெற்ற குண்டுவெடிப்பு சம்பவங்கள் தொடர்பில் இந்தியா உள்ளிட்ட பல தரப்புகளும் புலானாய்வு பிரிவினரும் எச்சரிக்கை விடுத்தும் ஆக்கபூர்வமான நடவடிக்கைகளை எடுக்கவில்லை.
இதற்கு முழுப் பொறுப்பையும் தற்போதைய அரசு ஏற்றுக்கொள்ள வேண்டும். ஆனால் ஜனாதிபதியும், பிரதமரும் தங்களுக்கு எதுவும் தெரியாதென கூறி வருகின்றனர்.
இவர்களின் அரசியல் முரண்பாட்டினால் தற்போது நாட்டு மக்களே பாதிக்கப்பட்டுள்ளனர்” என சி.தவராசா தெரிவித்துள்ளார்.
மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.
பிந்திய செய்திகள்
-
கடற்படையிடமிருந்து காணியை பெற்றுத்தர கோரி தீவக மக்கள், மனித உரிமை ஆணைக்குழுவில் முறைப்பாடொன்றை பதிவ
-
முல்லைத்தீவு மாவட்டத்தின் துணுக்காய் கல்வி வலயத்திற்குட்பட்ட ஒட்டுசுட்டான் மகா வித்தியாலயப் பாடசாலைய
-
முன்னாள் அமைச்சர் பட்டலி சம்பிக்க ரணவக்க ஐக்கிய மக்கள் சக்தியில் இன்று (திங்கட்கிழமை) உத்தியோகப்பூர்
-
கொரோனா வைரஸை எதிர்த்துப் போராடுவதற்கு மூன்றாவது தேசிய முடக்கநிலை விரைவில் தேவைப்படும் என பிரான்ஸின்
-
கொரோனா தொற்று உறுதியாகி உயிரிழப்பவர்களை கட்டாயமாக தகனம் செய்வது உட்பட, இலங்கையுடன் மனித உரிமைகள் தொட
-
இந்தியாவின் சிக்கிம் மாநிலத்தில் உள்ள எல்லைப் பகுதியில் சீன வீரர்கள் அத்துமீறி நுழைய முற்பட்டதாக இந்
-
கொரோனா தொற்று உறுதியாகிய சிறைச்சாலைகளுடன் தொடர்புடைய 151 பேர் தற்போது தொடர்ந்தும் சிகிச்சை பெற்று வர
-
கொரோனா வைரஸ் தொற்று அச்சுறுத்தல் காரணமாக வவுனியா நகரில் அமுல்படுத்தப்பட்டிருந்த தனிமைப்படுத்தல் ஊரடங
-
விண்வெளித் தொழில்நுட்பத்தில் உச்சத்தில் இருக்கும் எலான் மஸ்கின் ஸ்பேஸ்எக்ஸ் நிறுவனம், புதிய சாதனையைப
-
பாணந்துறை வடக்கு பொலிஸ் பகுதியில் உள்ள பள்ளிமுல்லைப் பகுதியில் இடம்பெற்ற துப்பாக்கிச் சூட்டில் ஒருவர
