தலைப்பு செய்திகள்

தீர்வின்றி தொடரும் கண்ணீர் போராட்டத்தில் குண்டுவெடிப்புகளில் உயிர் இழந்தவர்களுக்கும் அஞ்சலி

In இலங்கை     May 6, 2019 10:47 am GMT     0 Comments     2376     by : Yuganthini

காணாமல் ஆக்கப்பட்டோரின் உறவுகளின் கண்ணீர் போராட்டம் இன்றுடன் 800 ஆவது நாளை கடந்துள்ள நிலையில் குண்டுவெடிப்புகளில் உயிர் இழந்தவர்களுக்கும் அவர்கள் அஞ்சலி செலுத்தியுள்ளனர்.

கடத்தப்பட்டு காணாமல் ஆக்கப்பட்டோரின் உறவுகளது சங்கத்தினரால் திருகோணமலை- கிழக்கு மாகாண ஆளுநர் செயலகத்திற்கு முன்பாக சுழற்சி முறையிலான போராட்டம் தொடர்ந்து முன்னெடுக்கப்பட்டு வருகின்றது.

இந்நிலையில் கடந்த மாதம் 21ஆம் திகதி இடம்பெற்ற தொடர் குண்டு தாக்குதல்களில் உயிரிழந்தவர்களை நினைவுகூரும் வகையில் மெழுகுவர்த்தி ஏற்றி அஞ்சலி செலுத்தியுள்ளனர்.

அதனைத்தொடர்ந்து செய்தியாளர்களுக்கு கருத்துத் தெரிவித்த சங்கத்தின் தலைவி நாகேந்திரன் ஆஷா, “எங்களது போராட்டமானது இன்றுடன் 800ஆவது நாட்களை கடந்துள்ளதுடன் இதுவரை காலமும் பொறுப்பு வாய்ந்தவர்களிடமிருந்து எந்தவித பதிலும் கிடைக்கவில்லை.

ஆகையால் தங்களுக்கான தீர்வினை வெளிநாட்டுத்தலையீடுகளின் ஊடாகவே பெற்றுக்கொள்ள முடியும்.

இதேவேளை கைது செய்யப்பட்ட பல்கலைக்கழக மாணவர்களை உடனடியாக விடுதலை செய்வதற்கு அரசு முன்வரவேண்டும்” எனவும் நாகேந்திரன் ஆஷா மேலும் தெரிவித்துள்ளார்.

0 Shares

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.

 

 

பிந்திய செய்திகள்

#Tags

Share via
Facebook
Twitter
LinkedIn
Mix
Email
Print
Copy Link
Powered by Social Snap
Copy link
CopyCopied
Powered by Social Snap