நீர்கொழும்பு குண்டுவெடிப்பில் 10 பேர் உயிரிழந்ததாக தகவல்!

In இலங்கை April 21, 2019 4:57 am GMT 0 Comments 1949 by : Varshini

நீர்கொழும்பு சென். செபஸ்டியன் தேவாலயத்தில் இடம்பெற்ற குண்டுவெடிப்பில் 10 பேர் உயிரிழந்துள்ளதாக தெரிவிக்கப்படுகிறது. மற்றும் 50இற்கும் அதிகமானோர் காயமடைந்து வைத்தியசாலையில அனுமதிக்கப்பட்டுள்ளதாக அங்கிருந்து கிடைக்கும் தகவல்கள் தெரிவிக்கின்றன.

ஈஸ்டர் பண்டிகை ஆராதனை இடம்பெற்ற சந்தர்ப்பத்தில் இன்று காலை இக்குண்டுவெடிப்புச் சம்பவம் பதிவாகியுள்ளது.

அத்தோடு, நாடளாவிய ரீதியிலுள்ள பல தேவாலயங்களில் இன்று காலை குண்டுவெடிப்பு இடம்பெற்றுள்ளமை குறிப்பிடத்தக்கது.

நீர்கொழும்பு சென். செபஸ்டியன் தேவாலயத்திலும் வெடிப்பு!

நீர்கொழும்பு சென். செபஸ்டியன் தேவாலயத்திலும் வெடிப்புச் சம்பவமொன்று இடம்பெற்றுள்ளது.

இதில் பலர் காயமடைந்துள்ளதாக தெரிவிக்கப்படுகிறது. சம்பவம் தொடர்பாக நீர்கொழும்பு பொலிஸாரை எமது ஆதவன் செய்திப் பிரிவு தொடர்புகொண்டது. வெடிப்பு இடம்பெற்றதை எம்மிடம் உறுதிப்படுத்திய பொலிஸார், இதனை குண்டுவெடிப்பென சந்தேகிப்பதாக தெரிவித்துள்ளனர்.

சேத விபரங்கள் தொடர்பாக எவ்வித தகவல்களும் வெளியாகவில்லை.

கொழும்பு அந்தோனியார் தேவாலயத்தில் வெடிப்புச் சம்பவமொன்று இடம்பெற்ற சில விநாடிகளில் இந்த வெடிப்புச் சம்பவம் இடம்பெற்றுள்ளமை குறிப்பிடத்தக்கது.