பஹ்ரைன் கிராண்ட் பிரிக்ஸ்: லீவிஸ் ஹாமில்டன் முதலிடம்!

In விளையாட்டு November 30, 2020 10:32 am GMT 0 Comments 1486 by : Anojkiyan

பர்முயுலா-1 கார்பந்தயத்தின் பதின்ஐந்தாவது சுற்றான பஹ்ரைன் கிராண்ட் பிரிக்ஸ், மெர்சிடஸ் பென்ஸ் அணியின் வீரரான லீவிஸ் ஹாமில்டன் முதலிடம் பிடித்துள்ளார்.

நடப்பு ஆண்டு ‘பார்முலா-1’ கார் பந்தயம், 19 சுற்றுகளாக நடைபெறுகின்றது. ஒவ்வொரு சுற்றும் ஒவ்வொரு நாடுகளில் நடைபெறுகின்றது.

இதன்படி, நடப்பு ஆண்டின் பதின்ஐந்தாவது சுற்றான பஹ்ரைன் கிராண்ட் பிரிக்ஸ், பஹ்ரைன் சர்வதேச ஓடுதளத்தில் நடைபெற்றது.

இதில் 307.995 கிலோ மீட்டர் பந்தய தூரத்தை நோக்கி, 10 அணிகளை சேர்ந்த 20 வீரர்கள் காரில் சீறிப்பாய்ந்தனர்.

இதில் மெர்சிடஸ் பென்ஸ் அணியின் வீரரான லீவிஸ் ஹாமில்டன் பந்தய தூரத்தை 2 மணித்தியாலம் 59 நிமிடங்கள் 47.515 வினாடிகளில் முதலிடத்தை பிடித்தார். இதற்காக அவருக்கு 25 புள்ளிகள் வழங்கப்பட்டது.

இதனைத் தொடர்ந்து ரெட்புல் அணியின் வீரரான மேக்ஸ் வெர்ஸ்டாப்பன், 1.254 வினாடிகளில் பந்தயத்தூரத்தைக் கடந்து இரண்டாவது இடத்தை பிடித்தார். இதற்காக அவருக்கு 19 புள்ளிகள் வழங்கப்பட்டது.

இதனையடுத்து, 8.005 வினாடிகளில் பந்தயத்தூரத்தைக் கடந்து ரெட் புல் அணியின் அலெக்சாண்டர் அல்பன் மூன்றாவது இடத்தை பிடித்தார். இதற்காக அவருக்கு 15 புள்ளிகள் வழங்கப்பட்டது.

குறிப்பாக இப்போட்டியின் போது, பிரான்ஸின் ஹாஸ் அணி சார்பில் கலந்துக்கொண்ட சுவிஸ்;லாந்தைச் சேர்ந்த ரோமைன் க்ரோஸ்ஜீனின் கார் விபத்துக்குள்ளானது.

நடப்பு ஆண்டு பர்முயுலா-1 கார்பந்தயத் தொடரில் இதுவரை 15 சுற்றுகள் நடைபெற்று முடிந்துள்ள நிலையில், லீவிஸ் ஹாமில்டன் 11 வெற்றிகளுடன் 332 புள்ளிகளுடன் முதலிடத்தில் உள்ளார்.

இரண்டாவது இடத்தில் 201 புள்ளிகளுடன் மற்றொரு பென்ஸ் அணியின் வீரரான வால்டெரி போட்டாஸ் உள்ளார்.

ரெட்புல் அணியின் வீரரான மேக்ஸ் வெர்ஸ்டாப்பன் 189 புள்ளிகளுடன் மூன்றாவது இடத்தில் உள்ளார்.

பர்முயுலா-1 கார்பந்தயத்தின் பதின்ஆறாவது சுற்றான சாகீர் கிராண்ட் பிரிக்ஸ், எதிர்வரும் மாதம் 6ஆம் திகதி பஹ்ரைன் சர்வதேச ஓடுதளத்தில் நடைபெறவுள்ளது.