பிக்பேஷ் ரி-20 தொடரின் 10ஆவது லீக் போட்டியில், ஹோபர்ட் ஹரிகேன்ஸ் அணி 6 விக்கெட்டுகளால் வெற்றிபெற்றுள்ளது.

இன்று (சனிக்கிழமை) ஹோபர்ட் மைதானத்தில் நடைபெற்ற இப்போட்டியில், ஹோபர்ட் ஹரிகேன்ஸ் அணியும் மெல்பேர்ன் ரெனிகேட்ஸ் அணியும் மோதின.

இப்போட்டியில் நாணய சுழற்சியில் வெற்றிபெற்ற ஹோபர்ட் ஹரிகேன்ஸ் அணி, முதலில் களத்தடுப்பை தீர்மானித்தது.

இதன்படி முதலில் துடுப்பெடுத்தாடிய மெல்பேர்ன் ரெனிகேட்ஸ் அணி, நிர்ணயிக்கப்பட்ட 20 ஓவர்கள் நிறைவில் 5 விக்கெட்டுகள் இழப்புக்கு 157 ஓட்டங்களை பெற்றுக்கொண்டது.

இதில் அணின் அதிகப்பட்ச ஓட்டங்களாக, சேம் ஹார்பர் ஆட்டமிழக்காது 66 ஓட்டங்களையும் ரோஸ்சவ் 59 ஓட்டங்களையும் பெற்றுக்கொண்டனர்.

ஹோபர்ட் ஹரிகேன்ஸ் அணியின் பந்துவீச்சில், போலண்ட் 2 விக்கெட்டுகளையும் போல்க்னர், ரிலே மெரிடித் மற்றும் நாதன் எலீஸ் ஆகியோர் தலா 1 விக்கெட்டினையும் வீழ்த்தினர்.

இதனைத்தொடர்ந்து 158 என்ற வெற்றி இலக்கை நோக்கி பதிலுக்கு களமிறங்கிய ஹோபர்ட் ஹரிகேன்ஸ் அணி, 17.4 ஓவர்கள் நிறைவில் 4 விக்கெட்டுகள் இழப்புக்கு வெற்றி இலக்கை கடந்தது. இதனால் அந்த அணி 6 விக்கெட்டுகளால் வெற்றிபெற்றது.

இதன்போது அணியின் அதிகப்பட்ச ஓட்டங்களாக, பென் மெக்டர்மோட் ஆட்டமிழக்காது 89 ஓட்டங்களையும் டிம் டேவிட் ஆட்டமிழக்காது 21 ஓட்டங்களையும் பெற்றுக்கொண்டனர்.

மெல்பேர்ன் ரெனிகேட்ஸ் அணியின் பந்துவீச்சில், ஜோஸ் லாலோர், கேன் ரிச்சட்சன் மற்றும் நுர் அஹமட் ஆகியோர் தலா 1 விக்கெட்டினை வீழ்த்தினர்.

இப்போட்டியின் ஆட்டநாயகனாக 55 பந்துகளில் 5 சிக்ஸர்கள் 7 பவுண்ரிகள் அடங்களாக ஆட்டமிழக்காது 89 ஓட்டங்களை பெற்றுக்கொண்ட பென் மெக்டர்மோட் தெரிவுசெய்யப்பட்டார்.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.