பிரதமர் மேயின் கோரிக்கை தொடர்பாக ஆராய பிரித்தானிய நாடாளுமன்றம் அனுமதி

In இங்கிலாந்து April 9, 2019 5:01 am GMT 0 Comments 2402 by : adminsrilanka

உடன்பாடற்ற பிரெக்ஸிற்றை எதிர்வரும் ஜூன் மாதம் 30 ஆம் திகதிவரை தாமதப்படுத்துவதற்கு ஐரோப்பிய ஒன்றியத்தை ஒப்புக் கொள்ள வைக்கும் பிரதமர் மேயின் கோரிக்கையை நாடாளுமன்ற உறுப்பினர்கள் ஆராய்ந்து பார்ப்பதற்கான சட்டமூலத்திற்கு பிரித்தானிய நாடாளுமன்றம் நேற்று அங்கீகாரம் அளித்துள்ளது.

பிரதமர் மே ஏற்கனவே ஐரோப்பிய ஒன்றியத்தில் பிரித்தானியாவின் உறுப்புரிமையை நீடிப்பது தொடர்பாக பிரசல்ஸ்ஸிடம் கோரிக்கை முன்வைத்திருந்தார்.

பல்வேறு மாற்றுத் திட்டங்களைத் தேடும் முயற்சி தொடர்பாக எதிர்க்கட்சியான தொழிற்கட்சியுடன் பேச்சுவார்த்தைகளை மேற்கொள்வதற்கு அவகாசம்பெறும் நோக்கில் அவர் இந்த கோரிக்கையை முன்வைத்திருந்தார்.

பிரித்தானிய நாடாளுமன்றம் தனது பிரெக்ஸிற் ஒப்பந்தத்தை மூன்று முறை நிராகரித்த பின்னர், கடைசி முயற்சியாக நிலைமைகளை கட்டுப்பாட்டில் வைத்திருக்கும் நோக்கில் இந்த நடவடிக்கையை பிரதமர் மே மேற்கொண்டுள்ளார்.

ஆனால் ஏப்ரல் 12 ஆம் திகதி நிகழும் ஒரு உடன்பாடற்ற வெளியேறும் சட்டத்திற்கு எதிராக மேலதிக சட்டபூர்வ உத்தரவாதங்களை நாடாளுமன்ற உறுப்பினர்கள் முன்னதாகவே பெறுவதற்கு விரும்புகின்றனர்.

பிரதமர் மே பிரசல்ஸூக்கு செல்வதற்கு முன்னர், நாடாளுமன்ற உறுப்பினர்கள் இன்று செவ்வாய்க்கிழமை கூடி ஆராய்வதற்கான அனுமதியை இந்த சட்டமூலம் வழங்குகின்றது.