யேமனில் அவசரகாலநிலை பிரகடனம்!
யேமனில் அதிகரித்துச்செல்லும் கொலராநோயைத் தொடர்ந்து, அங்கு அவசரகாலநிலை பிரகடனப்படுத்தப்பட்டுள்ளது.
ஹவுதி படைகளின் கட்டுப்பாட்டிலுள்ள தலைநகர் சனாவை மையமாகக் கொண்டியங்கும் சுகாதார அமைச்சு இதனை பிரகடனப்படுத்தியுள்ளது. நாட்டில் தற்போது வெப்பநிலை அதிகரித்துள்ளதால், நோய்த்தொற்று தீவிரமாக பரவியுள்ளது.
யேமன் பொது சுகாதார அமைச்சின் நேற்றைய (ஞாயிற்றுக்கிழமை) புள்ளிவிபரங்களின்படி இவ்வருடத்தின் இதுவரையான காலப்பகுதியில் 327 பேர் கொலரா நோயினால் உயிரிழந்துள்ளனர். அத்தோடு, 160,000 பேர் கொலரா தொற்றுக்கு இலக்காகியுள்ளனர்.
கடந்த மூன்று வாரங்களில் நாடெங்கும் 29 அவசர சிகிச்சை மையங்கள் அமைக்கப்பட்டு, சிகிச்சையளிக்கப்பட்டு வருகின்றது. உலக சுகாதார ஸ்தாபனம் உள்ளிட்ட சர்வதேச அமைப்புகளின் உதவியுடன் தலைநகர் சனாவில் இந்த மையங்கள் அமைக்கப்பட்டுள்ளன. 24 மணித்தியாலங்கள் இந்த மையங்கள் இயங்கி வருகின்றன.
கொலராவால் பீடிக்கப்பட்டவர்களில் 30 வீதமானோர் சிறுவர்கள் என அடையாளம் காணப்பட்டுள்ளது.
யேமனில் கடந்த நான்கு வருட காலமாக தொடரும் உள்நாட்டுப் போர் நோய்த்தொற்றுக்களுக்கு காரணமாக அமைந்துள்ளதென குற்றச்சாட்டுக்கள் முன்வைக்கப்பட்டுள்ளன. குறிப்பாக சுகாதாரத்தில் 55 வீதம் எதிர்மறை தாக்கத்தை விளைவித்துள்ளது. அதுமாத்திரன்றி நீர், காணி மற்றும் உணவுத்தட்டுப்பாட்டையும் எதிர்கொண்டுள்ளது.
சட்டவிரோத குடியேற்றமும் நோய்த்தொற்றுக்கு காரணம் என குற்றஞ்சாட்டப்படுகிறது.
கடந்த 2017ஆம் ஆண்டுமுதல் யேமனை உலுக்கும் கொலரா நோயினால் இதுவரை 3070 பேர் உயிரிழந்துள்ளனர். 1.5 மில்லியன் பேர் இந்நோயினால் பாதிக்கப்பட்டுள்ளனர். உலக வரலாற்றில் கொலரா நோய் மோசமாக தாக்கிய சம்பவமாக இது பதிவாகியுள்ளதாக சுகாதார அதிகாரிகள் தெரிவிக்கின்றனர்.
மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.
பிந்திய செய்திகள்
-
கொரோனா வைரஸின் தாக்கம் அடுத்த 4 முதல் 5 ஆண்டுகள் வரை நீடிக்கலாம் என சிங்கப்பூரின் கல்வித்துறை அமைச்ச
-
வடக்கு மாகாணத்தில் மேலும் 18 பேருக்கு கோரோனா வைரஸ் தொற்று உறுதி செய்யப்பட்டுள்ளதாக வட.மாகாண சுகாதார
-
இந்தியாவில் கொரோனா தொற்றினால் பாதிக்கப்படுவோரின் எண்ணிக்கை கணிசமாக குறைந்துள்ளது. அந்தவகையில் நேற்று
-
பிரேசில் நாட்டில் பேருந்தொன்று மலைக்குன்றில் இருந்து கீழே விழுந்து விபத்துக்குள்ளானதில் 19 பயணிகள் உ
-
நாடு திரும்புவதற்கு எதிர்பார்த்துள்ள வெளிநாட்டில் பணிபுரியும் பணியாளர்களை நாட்டுக்கு அழைத்து வருவதற்
-
இலங்கையில் புதிய வகை கொரோனா வைரஸ் இனங்காணப்பட்டுள்ளதாக ஶ்ரீ ஜயவர்தனபுர பல்கலைக்கழகம் தெரிவித்துள்ளது
-
சொத்துக் குவிப்பு வழக்கில் தண்டனை பெற்று வந்த சசிகலா இன்று (புதன்கிழமை) விடுதலை செய்யப்படுகிறார். சொ
-
ஐக்கிய நாடுகள் மனித உரிமைகள் ஆணையாளர் நாயகம் மிச்செலே பச்செலெட்டினால் இலங்கைக்கு அனுப்பி வைக்கப்பட்ட
-
நாட்டின் மேலும் சில பகுதிகள் தனிமைப்படுத்தலில் இருந்து விடுவிக்கப்படுவதாக அறிவிக்கப்பட்டுள்ளது. கொவி
-
இலங்கையில் கடந்த 24 மணித்தியாலங்களில் மேலும் 755 பேருக்கு கொரோனா வைரஸ் தொற்று உறுதி செய்யப்பட்டுள்ளத
