வளமான கலாசார பாரம்பரியத்தை பகிர்ந்துகொள்ள புத்தாண்டு வழிசமைத்துள்ளது – மஹிந்த

In ஆசிரியர் தெரிவு April 14, 2019 6:43 am GMT 0 Comments 2186 by : Dhackshala

சிங்கள மற்றும் தமிழ் புத்தாண்டு, ஒருவருக்கொருவர் உறவுகளை இணைத்து, பலப்படுத்துவதற்கும் உலகெங்கும் உள்ள வளமான கலாசார பாரம்பரியத்தை பகிர்ந்துகொள்வதற்கும் தளத்தை அமைத்துக்கொடுப்பதாக எதிர்க்கட்சி தலைவர் மஹிந்த ராஜபக்ஷ தெரிவித்துள்ளார்.

சிங்க தமிழ் புத்தாண்டை முன்னிட்டு இன்று (ஞாயிற்றுக்கிழமை) வெளியிட்டுள்ள ஊடக அறிக்கையிலேயே அவர் இதனை தெரிவித்துள்ளார்.

இந்த புத்தாண்டானது புதிய தொடக்கத்தை உணர்த்துகிறது என்றும் இதுவரையான குறைபாடுகள் மற்றும் பின்னடைவுகளை நகர்த்துவதாகவும் அவர் குறிப்பிட்டுள்ளார்.

நாட்டினை முன்னோக்கி நகர்த்துவதற்கு உறுதியளித்திருக்கும் ஒரு புதிய உணர்வளிக்கும் இந்த புத்தாண்டு, சிந்தனையிலும் செயலிலும் முற்போக்கு எண்ணத்தை விதைத்து நட்பு மற்றும் ஒற்றுமையால் எல்லாத் தீமையையும், பகைமையையும் தவறான எண்ணங்களையும் தூக்கி எறிகிறதென்றும் அவர் தெரிவித்துள்ளார்.

இந்த புத்தாண்டை நம்பிக்கையுடன் எதிர்கொள்வதோடு, வழமான இலங்கைக்கான பங்களிப்பை அர்ப்பணிப்புடன் செய்யுமாறு வலியுறுத்தியுள்ளார்.

இலங்கையின் செல்வச்செழிப்புக்கான பயணம், தனிமனித கௌரவத்தை பாதுகாத்தல் மற்றும் நல்ல எதிர்காலத்தை கட்டமைத்தல் உள்ளிட்டவை இந்த அர்ப்பணிப்பில் இருந்து ஆரம்பிக்கட்டும் என்றும் அவர் சுட்டிக்காட்டியுள்ளார்.