நியூஸிலாந்து மற்றும் பாகிஸ்தான் அணிகளுக்கிடையிலான இரண்டாவது டெஸ்ட் போட்டியின், முதல்நாள் ஆட்டம் நிறைவுக்கு வந்துள்ளது.

முதல் இன்னிங்ஸிற்காக துடுப்பெடுத்தாடிவரும் நியூஸிலாந்து அணி, இன்றைய இரண்டாம் நாள் ஆட்டநேர முடிவில், 3 விக்கெட்டுகள் இழப்புக்கு 286 ஓட்டங்களை பெற்றுள்ளது.

இதன்படி பாகிஸ்தான் அணியின் முதல்நாள் இன்னிங்ஸ் ஓட்டங்களுடன் ஒப்பிடுகையில், நியூஸிலாந்து அணி 11 ஓட்டங்கள் பின்னிலையில் உள்ளது.

ஆட்டநேர முடிவில், கேன் வில்லியம்சன் 112 ஓட்டங்களுடனும் ஹென்ரி நிக்கோல்ஸ் 89 ஓட்டங்களுடனும் களத்தில் உள்ளனர்.

கிறிஸ்ட்சர்ச் மைதானத்தில் நேற்று ஆரம்பமான இப்போட்டியில், நாணய சுழற்சியில் வெற்றிபெற்ற நியூஸிலாந்து அணி முதலில் களத்தடுப்பை தீர்மானித்தது.

இதன்படி முதலில் துடுப்பெடுத்தாடிய பாகிஸ்தான் கிரிக்கெட் அணி, முதல் இன்னிங்ஸிற்காக 297 ஓட்டங்களை பெற்றுக்கொண்டது.

இதில் அணியின் அதிகப்பட்ச ஓட்டங்களாக, அசார் அலி 93 ஓட்டங்களையும் மொஹமட் ரிஸ்வான் 61 ஓட்டங்களையும் பெற்றுக்கொண்டனர்.

நியூஸிலாந்து கிரிக்கெட் அணியின் பந்துவீச்சில், கெய்ல் ஜேமீசன் 5 விக்கெட்டுகளையும் சவுத்தீ மற்றும் ட்ரென்ட் போல்ட் ஆகியோர் தலா 2 விக்கெட்டுகளையும் மெட் ஹென்ரி 1 விக்கெட்டினையும் வீழ்த்தினர்.

இதனைத்தொடர்ந்து பதிலுக்கு முதல் இன்னிங்சை தொடங்கிய நியூஸிலாந்து இன்றைய ஆட்டநேர முடிவில், 3 விக்கெட்டுகள் இழப்புக்கு 286 ஓட்டங்களை பெற்றுள்ளது.

இதில் நியூஸிலாந்து அணி சார்பில், டொம் லதம் 33 ஓட்டங்களையும் டொம் பிளெண்டல் 16 ஓட்டங்களையும் ரோஸ் டெய்லர் 12 ஓட்டங்களையும் பெற்றுக்கொண்டனர்.

பாகிஸ்தான் அணியின் பந்துவீச்சில், ஷாயின் ஷா அப்ரிடி, மொஹமட் அப்பாஸ் மற்றும் பஷீம் அஸ்ரப் ஆகியோர் தலா 1 விக்கெட்டினை வீழ்த்தினர்.

இன்னமும் 7 விக்கெட்டுகள் வசமுள்ள நிலையில், போட்டியின் மூன்றாவது நாளை நியூஸிலாந்து அணி நாளை தொடரவுள்ளது.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.