வெளியுறவு மற்றும் வெகுஜன ஊடகங்கள் அமைச்சின் செலவுத் திட்டங்கள் நிறைவேற்றம்!

In இலங்கை November 25, 2020 7:36 pm GMT 0 Comments 1467 by : Litharsan

வெளியுறவு மற்றும் வெகுஜன ஊடகங்கள் அமைச்சின் செலவுத் திட்டங்கள் இன்று நாடாளுமன்றில் பல திருத்தங்களுடன் முன்வைக்கப்பட்டு நிறைவேற்றப்பட்டுள்ளன.

வரவு செலவுத் திட்ட வாசிப்பு குறித்த மூன்றாம் நாள் குழுநிலை விவாதத்தின்போதே இந்தத் திட்டங்கள் நிறைவேற்றப்பட்டுள்ளன.

இதேவேளை, கடந்த ஐந்து வருடங்களில் 500 ஊடகவியலாளர்களுக்கு தொழில் இல்லாமல் போயுள்ளதாகவும், அவர்களில் அதிகமானவர்களுக்கு நஷ்டஈடும் கிடைக்கப் பெறவில்லை எனவும் எதிர்க்கட்சி உறுப்பினர் இம்தியாஸ் பாக்கீர் மக்கார் இன்றைய விவாதத்தில் தெரிவித்துள்ளார்.

மேலும், கொரோனா காரணமாக ஊடகவியலாளர்கள் பலர் பாதிக்கப்பட்டுள்ளனர் என்றும் ஊடகத்துறையில் இருப்பவர்களில் அதிகமானவர்கள் சுயாதீன ஊடகவியலாளர்களாகும் என்பதால் அவர்களின் வாழ்வாதாரம் தொடர்பாக கவனம் செலுத்த வேண்டும் எனவும் அவர் வலியுறுத்தியுள்ளார்.

மேலும், ஊடகவியலாளர்களின் அர்ப்பணிப்பான சேவையை கருத்திற்கொண்டு அவர்களின் தொழில் பாதுகாப்பை உறுதிப்படுத்த நடவடிக்கை எடுக்கவேண்டும் எனவும் அவர்களுக்கான ஓய்வூதியத் திட்டம் ஒன்றை அறிமுகப்படுத்த வேண்டும் என்றும் அவர் கோரிக்கை விடுத்துள்ளார்.