23ஆவது பாதுகாப்பு படைப்பிரிவின் ஏற்பாட்டில் மட்டு.வில் புத்தாண்டு விழா

In இலங்கை April 20, 2019 8:02 am GMT 0 Comments 1919 by : Dhackshala

கிழக்கு மாகாண 23ஆவது பாதுகாப்பு படைப்பிரிவின் ஏற்பாட்டில் தமிழ், சிங்கள புத்தாண்டு விழா வந்தாறுமூலையில் இடம்பெற்றது.

இனங்களுக்கு மத்தியில் நல்லுறவை ஏற்படுத்தும் வகையில் ஏற்பாடு செய்யப்பட்டிருந்த இந்த புத்தாண்டு விழா இன்று (சனிக்கிழமை) காலை மட்டக்களப்பு வந்தாறுமூலை மகா வித்தியாலய மைதானத்தில் இடம்பெற்றது.

கிழக்கு மாகாண படைப்பிரிவின் எஸ்.எப்.தளபதி மேஜர் ஜெனரல் அருன ஜெயசேகர தலைமையில் இடம்பெற்ற நிகழ்வில், கிழக்கு மாகாண ஆளுநர் கலாநிதி எம்.எல்.ஏம்.ஹிஸ்புல்லா பிரதம அதிதியாக பங்கேற்று நிகழ்வுகளை ஆரம்பித்துவைத்தார்.

வைபவத்தில் மட்டக்களப்பு மாவட்ட அரசாங்க அதிபர் எம்.உதயகுமார், 23வது படைப்பிரிவின் தளபதி மேஜர் ஜெனரல் கபில உடலுபொல உள்ளிட்ட உயர் பாதுகாப்பு அதிகாரிகள், முக்கியஸ்தர்கள் என பலரும் பங்கேற்றனர்.

இதன்போது தமிழ், சிங்கள பாரம்பரிய கலை, கலாசார நிகழ்வுகளும் விளையாட்டு நிகழ்வுகளும் இடம்பெற்றd.

மாவட்டத்தின் பல பாகங்களையும் சேர்ந்த தமிழ், சிங்கள, முஸ்லிம் மக்கள் இந்நிகழ்வில் பங்கேற்றனர். மேலும் இன்று மாலை இசை நிகழ்ச்சியும் இடம்பெறவுள்ளதோடு, அதனைத்தொடர்ந்து நள்ளிரவு கொண்டாட்டங்களுடன் இந்நிகழ்ச்சி நிறைவு பெறவுள்ளமை குறிப்பிடத்தக்கது.