வவுனியா உலுக்குளம் பகுதியில் நேற்றுமாலை இடம்பெற்ற விபத்தில் 16 வயதான பாடசாலை மாணவன் உயிரிழந்துள்ளார்.
குறித்த விடயம் தொடர்பாக தெரியவருவதாவது ,நேற்று (ஞாயிற்றுக்கிழமை) மாலை உலுக்குளம் பகுதியில் மோட்டார் சைக்கிளில் சென்றுகொண்டிருந்த குறித்த சிறுவன் கட்டுப்பாட்டை இழந்து மற்றொரு மோட்டார் சைக்கிளில் பயணித்த நபருடன் மோதி, வீதியால் பயணித்துக்கொண்டிருந்த பாரவூர்தியுடன் மோதியதில் குறித்த விபத்து இடம்பெற்றது.
விபத்தில் படுகாயமடைந்த சிறுவன் வவுனியா வைத்தியசாலையில் அனுமதிக்கப்பட்டு சிகிச்சை பலனின்றி மரணமடைந்துள்ளான்.
விபத்தில் உலுக்குளம் பகுதியை சேர்ந்த ஹன்சா டில்சான் மிகிரிங்க (வயது 16) என்ற சிரசுமன ம. வி. நவோத்தயா பாடசாலையில் கல்வி கற்கும் மாணவனே மரணமடைந்துள்ளமை குறிப்பிடத்தக்கது.
விபத்து தொடர்பாக உலுக்குளம் பொலிஸார் மேலதிக விசாரணைகளை முன்னெடுத்துவருகின்றனர்.
