மன்னார்- சௌத்பார் கடற்கரையில் சந்தேகத்திற்கு இடமான நாட்டுப் படகொன்று கரையொதுங்கியுள்ளது.
நேற்று (திங்கட்கிழமை) கரையொதுங்கிய இந்த படகு, இந்தியர்களுடையதாக இருக்கலாம் என சந்தேகம் வெளியிடப்பட்டுள்ளது.
மேலும் குறித்த படகில் பதிவு இலக்கம், உரிமையாளர் பெயர் என எதுவுமே பொறிக்கப்படவில்லை எனவும் சிறிய உடைவுகளுடன் காணப்படுவதாகவும் எமது பிராந்திய செய்தியாளர் தெரிவித்துள்ளார்.
இதேவேளை இந்த படகு அதீத காற்று காரணமாக கரையொதுங்கியுள்ளதா? அல்லது சட்டவிரோத கடத்தலுக்கு பயன்படுத்தப்பட்டு கைவிடப்படுள்ளதா? என்ற கோணத்தில் பொலிஸார் விசாரணையை ஆரம்பித்துள்ளமை குறிப்பிடத்தக்கது.
