மக்களின் அதிகரித்து வரும் வாழ்க்கைச் செலவை சமாளிக்க உதவும் வகையில், அடுத்த ஆண்டு ஜனவரி முதல் மார்ச் வரை இங்கிலாந்தில் பேருந்து கட்டணம் இரண்டு பவுண்டுகளாக குறைக்கப்படும் என தெரிவிக்கப்பட்டுள்ளது.
இங்கிலாந்தில் பேருந்து கட்டணம் அடுத்த ஆண்டு ஜனவரி முதல் மார்ச் வரை 2 பவுண்டுகளாக இருக்கும் என்று கிராண்ட் ஷாப்ஸ் அறிவித்துள்ளார்.
போக்குவரத்துத் துறையின் கூற்றுப்படி, 60 மில்லியன் பவுண்டுகள் திட்டதில், சில பயணிகள் ஒரு பேருந்து கட்டணத்துக்கு 3 பவுண்டுக்கும் அதிகமாக சேமிக்க முடியும். மூன்று மைல் பயணத்திற்கான சராசரி கட்டணம் சுமார் 2.80 பவுண்டுகள் ஆகும்.
மூன்று மைல் பயணத்திற்கான சராசரி கட்டணம் சுமார் 2.80 பவுண்டுகள் என்று திணைக்களம் கூறியுள்ளது. அதாவது பயணிகள் ஒவ்வொரு முறை பயணம் செய்யும் போதும் 30 சதவீத விலையை மிச்சப்படுத்துவார்கள்.
இந்தத் திட்டத்தை அறிவித்த போக்குவரத்துச் செயலர் கிராண்ட் ஷாப்ஸ் தொடர்ந்து மேலும் கூறுகையில், ‘இந்த 60 மில்லியன் பவுண்டுகள் ஊக்கமளிக்கும் வகையில், அனைவரும் மலிவு விலையில் வேலை, கல்வி, கடைகள் மற்றும் மருத்துவர்களின் நியமனங்களுக்குச் செல்ல முடியும்.
இந்த குளிர்காலத்தில் அதிகரித்து வரும் செலவுகளின் அழுத்தத்தை மக்கள் உணருவார்கள் என்பதை நாங்கள் அறிவோம், எனவே தினசரி செலவினங்களைக் குறைக்கும் நடைமுறை உறுதியான உதவியை வழங்க இந்த கோடையில் நாங்கள் கடுமையாக உழைத்து வருகிறோம்’ என கூறினார்.
90 சதவீத சந்தையை பிரதிநிதித்துவப்படுத்தும் பேருந்து நடத்துநர்கள், திட்டத்திற்கு ஆதரவை வெளிப்படுத்தியுள்ளனர் என்று போக்குவரத்துத் துறை தெரிவித்துள்ளது.
