கொழும்பு தாமரை கோபுரத்தை நிர்மாணிப்பதற்காக பெறப்பட்ட கடனை ஈடுசெய்வதற்காக அடுத்த 5 வருடங்களுக்கு அதன் நாளாந்த வருமானம் 41,000 அமெரிக்க டொலர்கள் தேவையாகவுள்ளது என நாடாளுமன்ற உறுப்பினர் பாட்டலி சம்பிக்க ரணவக்க தெரிவித்துள்ளார்.
இந்த கோபுரத்திற்காக மொத்தம் 105 மில்லியன் அமெரிக்க டொலர்கள் செலவிடப்பட்டுள்ளதாகவும், அடுத்த ஐந்து வருடங்களில் கடனை அடைப்பதற்கு மேலும் 56 மில்லியன் அமெரிக்க டொலர்கள் தேவைப்படுவதாக சம்பிக்க ரணவக்க தெரிவித்துள்ளார்.
இவ்வாறு வருமானம் ஈட்டுவது கடினமான நிலை எனத்தெரிவித்த சம்பிக்க ரணவக்க, பாரிய வருமானம் ஈட்டும் நாட்டில் இவ்வாறான கோபுரம் நிர்மாணிக்கப்பட்டிருக்க வேண்டும் எனவும் கூறியுள்ளார்.
நம்மைப் போன்ற நாட்டிற்கு இவ்விதமான கோபுரம் அமைப்பது வீணான விரயமாகும், அதேநேரம், இதில் நடந்த ஊழல் பற்றி தனித்தனியாக பேச வேண்டும் என்றும் அவர் குறிப்பிட்டுள்ளார்.
இதேவேளை, கொழும்பு தாமரை கோபுரத்தை நிர்மாணிப்பதற்கான முன்மொழிவு திட்டத்திற்கான மொத்த செலவினம் 9.3பில்லியன் ரூபாவாக மதிப்பிடப்பட்டது. அதேநேரத்தில் அதில் நிலத்துக்கான பெறுமானம் உள்ளடக்கப்பட்டிருக்கவில்லை.
தேவையானதும் சரியானதுமான சாத்தியக்கூற்று ஆய்வு ஒருபோதும் நடத்தப்படவில்லை. 2019இல் ஒரு சிறப்பு அரசாங்க அறிக்கையானது திட்ட ஆலோசனைப் பிரிவு இலவசமாக மேற்கொள்ளப்படும் நிதி சாத்தியக்கூறுகளை மட்டுமே கண்டறிந்துள்ளது.
கோபுரத்தை நிர்மாணிப்பதற்காக நிதி அளித்த சீன எக்சிம் வங்கியின் கடனுக்கான வட்டி நான்கு சதவிகிதமாகும்.
அது நடைமுறையில் உள்ள நிதிச் சாத்தியக்கூறுகள் மற்றும் கடன் வாங்கும் செலவீனங்கள் என்பவற்றை அடிப்படையாகக் கொண்டு 3.5சதவிகிதமாகக் கணக்கிட்டது இதனால் 500 மில்லியன்கள் செலவீனமாக பதியப்பட்டுள்ளது.
இதேவேளை, குறித்த நிதி வழங்கப்பட்ட காலத்திற்கான கடன் வட்டியைக் கருத்தில் கொள்ளவில்லை. பயன்படுத்தப்படாத கடன் தொகைகளுக்கான மேலாண்மை மற்றும் அர்ப்பணிப்புக் கட்டணங்கள் உள்ளீர்க்கப்படுவது புறக்கணிக்கப்பட்டுள்ளது.
குறைவாகக் கூறப்பட்ட காப்பீட்டுச் செலவுகள் 680 மில்லியன் ரூபாய் எனவும் வரவு செலவுத் திட்ட வருமானத்தின் தற்போதைய மதிப்பு 2 பில்லியனுக்கும் அதிகமாகக் குறிப்பிட்டுள்ளது.
இவ்வாறான நிலையில், கொழும்பில் அமைக்கப்பட்டுள்ள தாமரை கோபுரம், இலங்கையின் தோல்வியுற்ற மற்றும் நேரடி அரசியல் ஆதரவைக் கொண்ட பல பில்லியன் ரூபாய் வீணாக்கப்பட்ட திட்டங்களின் பட்டியலில் உள்ளது.
தாமரை கோபுரம் தற்போது இலங்கையின் தொலைத்தொடர்பு ஒழுங்குமுறை ஆணைக்குழுவிற்கு சொந்தமானதாக உள்ளது. ஆனால் திறைசேரியின் கீழ் உள்ள லோட்டஸ் டவர் மேனேஜ்மென்ட் கம்பெனி (பிரைவேட்) லிமிடெட் (எல்டிஎம்சி) மூலம் நிர்வகிக்கப்படுகிறது, அத்துடன், ஒரு சுயாதீன இயக்குநர்கள் குழுவையும் கொண்டுள்ளது.
அதேநேரம், தாமரைக்கோபுர நிருவாகமானது, திறைசேரி இப்போது 500 மில்லியனை ஒதுக்கியுள்ளது. கொழும்பு தாமரை கோபுரம் தொழில்நுட்பம் மற்றும் பொழுதுபோக்கின் மையமாக மறுபெயரிடப்பட்டுள்ளது, முக்கியமாக வாடகை மூலம் வருமானம் எதிர்பார்க்கப்படும் கட்டமைப்பாக உள்ளது.
