மேட்ச் பிக்சிங் சம்பவம் தொடர்பில் சாட்சியமளிக்க நீதிமன்றில் ஆஜராகாத ஸ்ரீலங்கா கிரிக்கெட் தெரிவுக்குழு தலைவர் உபுல் தரங்கவுக்கு எதிராக மாத்தளை மேல் நீதிமன்றில் தொடரப்பட்ட வழக்கின் தீர்ப்பு எதிர்வரும் மார்ச் மாதம் 10 ஆம் திகதி அறிவிக்கப்படவுள்ளது.
இந்த வழக்கு இன்று (31) மாத்தளை மேல் நீதிமன்ற நீதிபதி ரவீந்திர பிரேமரத்ன முன்னிலையில் விசாரணைக்கு எடுத்துக் கொள்ளப்பட்ட போதே, அரச தரப்பு சாட்சியங்கள் நிறைவடைந்ததையடுத்து நீதிபதி மேற்கண்டவாறு தெரிவித்தார்.
பல்லேகல மைதானத்தில் கடந்த வருடம் நடைபெற்ற ‘லெஜண்ட் லீக்-2024’ கிரிக்கெட் போட்டியில் போட்டிகளை நிர்ணயம் செய்ய பணம் அழுத்தம் கொடுத்ததாக முறைப்பாட்டின் பிரகாரம் இந்த வழக்கு தொடரப்பட்டுள்ளது.
எவ்வாறாயினும், இந்த சம்பவம் தொடர்பான சாட்சியங்களை வழங்குவதற்கு நீதிமன்றில் ஆஜராகாத காரணத்தினால் உபுல் தரங்கவை கைது செய்து நீதிமன்றில் முற்படுத்துமாறு மாத்தளை மேல் நீதிமன்றம் பிடியாணை பிறப்பித்திருந்தது.
பின்னர் மேன்முறையீட்டு நீதிமன்றம் பிடியாணையை நிறைவேற்றுவதற்கு இடைக்காலத் தடை விதித்தது.
