கர்நாடகாவில், லொறியொன்றுடன் பஸ்ஸொன்று மோதி விபத்துக்குள்ளானதில், இரண்டு குழந்தைகள் உட்பட 13 பேர் சம்பவ இடத்திலேயே உயிரிழந்துள்ளதாக இந்திய ஊடகங்கள் செய்தி வெளியிட்டுள்ளன.
மேலும் 4 பேர் படுகாயமடைந்துள்ளதாகவும் தெரிவிக்கப்படுகின்றது.
கர்நாடக மாநிலம், ஹாவேரி மாவட்டத்தின் இன்று அதிகாலை 4 மணியளிவில், புனே – பெங்களூரு தேசிய நெடுஞ்சாலையில் இந்த விபத்து இடம்பெற்றுள்ளது.
இதன்போது, வீதியில் நின்று கொண்டிருந்த லொறியொன்றின் மீது அரை சொகுசு பஸொன்று பயங்கரமாக மோதியதாக குறிப்பிடப்படுகின்றது.
இந்த விபத்தில் இரண்டு குழந்தைகள் உட்பட 13 பேர் சம்பவ இடத்திலேயே உயிரிழந்தனர்.
இதையடுத்து, சம்பவ இடத்துக்கு விரைந்து வந்த மருத்துவக் குழுவினரும், தீயணைப்பு வீரர்களும் மீட்புப் பணியில் ஈடுபட்டுள்ளனர்.
பஸ்ஸின் சாரதிக்கு ஏற்பட்ட நித்திரைக் கலக்கமே, இந்த விபத்துக்கான காரணம் என பொலிஸாரின் ஆரம்பக்கட்ட விசாரணைகளில் தெரியவந்துள்ளது.
