பிரான்ஸ் தூதுவரை நாட்டிலிருந்து வெளியேற்றுவது மற்றும் பிரான்ஸ் உடனான வர்த்தக உறவுகளை துண்டித்துக் கொள்வது குறித்து கடந்த ஆண்டு தெஹ்ரீக்-இ-லாபாய்க் பாகிஸ்தான் (டி.எல்.பி) உடன் “நியாயமற்ற” ஒப்பந்தத்தில் கையெழுத்திட்டதற்காக தேசிய சட்டமன்றத்தில் இம்ரான் கான் அரசாங்கத்தை பாகிஸ்தான் எதிர்க்கட்சி கடுமையாக விமர்சித்தது.
சார்லி ஹெப்டோ இதழில் அவதூறான ஓவியங்கள் வெளியிடப்படுகின்றமை தொடர்பிலும் பாகிஸ்தான் எதிர்க்கட்சி கேள்வி எழுப்பியிருந்தது.
பிரான்ஸ் உடனான இருதரப்பு உறவுகளைத் துண்டிக்க முடியாது என்று அரசாங்கம் அறிந்தபோது, டி.எல்.பி உடன் ஏன் அத்தகைய ஒப்பந்தம் கையெழுத்தானது என பாகிஸ்தான் மக்கள் கட்சியின் (பிபிபி) நவீத் கமர் கேள்வி எழுப்பியுள்ளார்.
தேசிய சட்டமன்றத்தில் இடம்பெற்ற ஒரு விவாதத்தில் டான் அறிக்கை தொடர்பாக கருத்து தெரிவிக்கும்போதே அவர் இவ்வாறு குறிப்பிட்டுள்ளார்.
டி.எல்.பி கலைக்கப்பட்டதற்காக உச்ச நீதிமன்றத்தை நாடுவது குறித்து அரசாங்கம் யோசித்து வருவதாகவும் ஆனால் இந்த விவகாரம் தொடர்பாக நாடாளுமன்றத்தில் தெரிவிக்கப்படவில்லை எனவும் அவர் சுட்டிக்காட்டியுள்ளார்.
மேலும், சில அமைப்புகளை தடை செய்வதற்கான முடிவுகள் கடந்த காலங்களில் கடிதத்தில் கூறப்பட்டன. ஆனால் நடைமுறையில் செயற்படுத்தப்பட்டதா எனவும் கமர் கேள்வி எழுப்பியுள்ளார்.
இதன்போது அவர் மேலும் கூறியுள்ளதாவது, “தடை செய்யப்பட்ட அமைப்புகளின் விபரங்கள் குறித்து உள்துறை அமைச்சருக்கு தெரிவிக்க வேண்டும் என்றும் அவர்களுக்கு எதிராக என்ன நடவடிக்கை எடுக்கப்பட்டுள்ளது என்றும் டான் தெரிவித்துள்ளது.
பாகிஸ்தான் முஸ்லீம் லீக்-நவாஸின் (பி.எம்.எல்.என்) ரியாஸ் பிர்சாடா, தெஹ்ரீக்-இ-தலிபான் பாகிஸ்தான் மற்றும் சிபா-இ-சஹாபா பாகிஸ்தான் ஆகிய தடைசெய்யப்பட்ட அமைப்புகளை உருவாக்கியவர்கள் யார் என்பதை சட்டமன்ற உறுப்பினர்களுக்கு தெரிவிக்க வேண்டும்.
ஆரம்பத்தில் கூலிப்படையொன்று உருவாக்கப்படுகின்றன. பின்னர் அதன் படைப்பாளர்களுக்கே அது தலைவலியாக மாறுகின்றது” என அவர் சுட்டிக்காட்டியுள்ளார்.
TLP ஒப்பந்தம் தொடர்பாக ஊடகங்கள் தெரிவித்தபடி, பிரான்ஸ் தூதுவரை 3 மாதங்களுக்குள் வெளியேற்றுவது தொடர்பாக அரசாங்கம் நாடாளுமன்றம் ஊடாக ஒரு தீர்மானத்தை எடுக்கும். பிரான்சில் அதன் தூதுவரை நியமிக்காது மற்றும் கைது செய்யப்பட்ட அனைத்து தொழிலாளர்களையும் விடுவிக்காது டி.எல்.பி. உள்ளிருப்பு போராட்டத்தை நிறுத்திய பிறகும் டி.எல்.பி தலைவர்கள் அல்லது தொழிலாளர்கள் மீது அரசாங்கம் எந்தவொரு வழக்கையும் பதிவு செய்யாது என டான் தெரிவித்துள்ளது.
கடந்த செப்டெம்பர் 2020 இல், பிரான்ஸ் பத்திரிகை சார்லி ஹெப்டோ, முஸ்லிம் உலகம் முழுவதும் ஆர்ப்பாட்டங்களைத் தூண்டிய நபிகள் நாயகத்தின் (ஸல்) அவதூறான ஓவியங்களை மீண்டும் வெளியிட்டது.
இந்த விவகாரம் தொடர்பாக பாகிஸ்தானில் எதிர்ப்புக்களை சில கட்சிகள் வெளியிட்டிருந்தன. கார்ட்டூன்களுக்கு எதிராக கடந்த ஆண்டு நவம்பரில் டி.எல்.பி ஒரு பாரிய போராட்டத்தை நடத்தியது.ஆனால் பெப்ரவரி மாதத்திற்குள் தூதுவரைரை வெளியேற்ற அரசாங்கத்துடன் செய்த ஒப்பந்தத்தின் பின்னர் கலைந்தது. இந்த ஒப்பந்தம் ஏப்ரல் 20 வரை நீட்டிக்கப்பட்டது.
இந்த வார தொடக்கத்தில் காவலில் வைக்கப்பட்டிருந்த அவர்களின் தலைவர் சாத் உசேன் ரிஸ்வியை கைது செய்ய டி.எல்.பி தற்போது எதிர்ப்பு தெரிவித்து வருகிறது.
ஆர்ப்பாட்டங்கள் வன்முறையாக மாறியுள்ளன. மேலும் பல உயிரிழப்புகளும் பதிவாகியுள்ளன.
