நுவரெலியா – இராகலை பகுதியில் 42 தோட்டத் தொழிலாளர்களை ஏற்றிச்சென்ற ‘ட்ரெக்டர்’ வண்டி விபத்துக்குள்ளானதில் 21 பேர் படுகாயமடைந்துள்ளளனர். இதில் இருவர், அவசர சிகிச்சைப்பிரிவில் சிகிச்சைப் பெற்று வருகின்றனர்.
இன்று (வெள்ளிக்கிழமை) காலை, இராகலை- ஸ்டாபோட் பிரிவிலுள்ள 42 தொழிலாளர்களை, சுமார் 7 கிலோ மீற்றர் தொலைவிலுள்ள டிக்சன்கோனார் பகுதிக்கு வேலைக்கு அழைத்துச் சென்ற ட்ரக்டர் வண்டியே இவ்வாறு விபத்துக்கு உள்ளாகியுள்ளது.
குறித்த சம்பவத்தில் காயமடைந்தவர்கள், நுவரெலியா வைத்தியசாலையில் சிகிச்சைக்காக அனுமதிக்கப்பட்டுள்ளனர்.
இந்த சம்பவத்தினால் குறித்த பகுதியில் பதற்றமானதொரு சூழ்நிலை காணப்படுகின்றமை குறிப்பிடத்தக்கது.
