யாழ்ப்பாணம் சென். பற்றிக்ஸ் கல்லூரிக்கும் வட்டுக்கோட்டை யாழ்ப்பாணக் கல்லூரிக்குமிடையிலான பொன்
அணிகள் போர் என்று அழைக்கப்படும் மாபெரும் கிரிக்கெட் போட்டி இன்று வெள்ளிக்கிழமை ஆரம்பமானது. இப்போட்டி நாளை சனிக்கிழமையும் நடைபெறவுள்ளது.
சென். பற்றிக்ஸ் கல்லூரி மைதானத்தில் இன்று (வெள்ளிக்கிழமை) ஆரம்பமான போட்டியில் முதலில் யாழ்ப்பாண கல்லூரி துடுப்பெடுத்தாடி வருகிறது.
இவ்விரு கல்லூரிகளுக்குமிடையில் 1917ம் ஆண்டிலிருந்து ஆரம்பிக்கப்பட்ட கிரிக்கெட் போட்டி போர்க்காலங்களைத் தவிர மற்றைய காலங்களில் ஒழுங்காக நடைபெற்று வந்தது.
இவ்வருடம் 105வது வருடமாக இந்த போட்டி நடைபெறுகிறது. இதுவரை காலமும் நடைபெற்ற போட்டிகளில், சென் பற்றிக்ஸ் கல்லூரி 33 தடவைகளும், யாழ்ப்பாணக் கல்லூரி 16 தடவைகளும் வெற்றி பெற்றுள்ளன. 32 போட்டிகள் வெற்றி தோல்வியின்றியும் முடிவடைந்தன. மிகுதிப் போட்டிகளின் விபரம் கிடைக்கப்பெறவில்லை.
