சஹ்ரான் பயன்படுத்திய வாகனத்தை பயன்படுத்தவில்லை – நாடாளுமன்றில் சரத் வீரசேகர

சஹ்ரான் ஹாசீம் பயன்படுத்திய வாகனத்தை தான் பயன்படுத்தவில்லை என முன்னாள் பொது பாதுகாப்பு அமைச்சர் சரத் வீரசேகர தெரிவித்துள்ளார்.

ஈஸ்டர் ஞாயிறு குண்டுதாக்குதலை நடத்திய பிரதான சூத்திரதாரியான சஹ்ரான் ஹாசீம் Toyota Land Cruiser V8 என்ற வாகனத்தை பயன்படுத்தியிருந்தார்.

குறித்த வாகனத்தை சரத் வீரசேகரவும் பயன்படுத்தியாதாக குற்றச்சாட்டுக்கள் முன்வைக்கப்பட்டுள்ளன.

அதேநேரம் நீதிமன்ற கட்டுப்பாட்டில் இருக்கும் குறித்த வாகனத்தை அமைச்சர் ஒருவர் பயன்படுத்தலாமா என்றும் கேள்வி எழுந்துள்ளது.

இதனை கொழும்பு பேராயர் கர்தினால் மெல்கம் ரஞ்சித் ஆண்டகையும் கவனத்திற்கொள்ள வேண்டும் என சர்வதேச ஊடகவியலாளர் கூறியுள்ளார்.

இந்நிலையில் இன்று இடம்பெற்ற நாடாளுமன்ற அமர்வில் பேசிய சரத் வீரசேகர, குறித்த வாகனத்தை தான் பயன்படுத்தவில்லை என கூறியுள்ளார்.

அரசுடைமையாக்கப்பட்ட அந்த வாகனம் தனது அமைச்சின் கீழிருந்த விசேட செயலணியின் பாவனைக்கு வழங்கப்பட்டிருந்தது என குறிப்பிட்டுள்ளார்.