முன்னாள் நாடாளுமன்ற உறுப்பினர் சஜின் வாஸ் குணவர்தனவை கைது செய்து நீதிமன்றத்தில் முன்னிலைப்படுத்த கொழும்பு நீதவான் நீதிமன்றம் இன்று உத்தரவிட்டது.
36.9 மில்லியன் வருமான வரி செலுத்தாததற்கு எதிராக உள்நாட்டு வருவாய் ஆணையரால் தாக்கல் செய்யப்பட்ட வழக்கில் குணவர்தன நீதிமன்றத்தில் முன்னிலையாகத் தவறியதால் இந்த உத்தரவு பிறப்பிக்கப்பட்டது.
2010-2012 ஆண்டுகளுக்கான வருமான வரியை தொழிலதிபர் சஜின் வாஸ் குணவர்தன செலுத்தாதது தொடர்பாக, உள்நாட்டு வருவாய் ஆணையர் 2023 ஆம் ஆண்டு இந்த வழக்கைத் தாக்கல் செய்திருந்தார்.
முறைப்பாட்டாளர் சார்பாக ஆஜரான தினேஷ் பெரேரா, பிரதிவாதிக்கு பல அழைப்பாணை அனுப்பப்பட்டதாகவும், ஆனால் அவர் நீதிமன்றத்தில் முன்னிலையாகவில்லை என்றும் நீதிமன்றத்தில் தெரிவித்தார்.
முன்வைக்கப்பட்ட உண்மைகளைக் கருத்தில் கொண்டு, மேலதிக நீதவான் பவித்ரா சஞ்சீவனி பதுராஜா, பிரதிவாதியை நீதிமன்றத்தில் முன்னிலைப்படுத்த உத்தரவிட்டு பிடியாணை பிறப்பித்தார்.
