இந்தியன் -2, அந்நியன், சர்வம் தாளமயம் உள்ளிட்ட திரைப்படங்களில் நடித்துள்ள நடிகர் நெடுமுடி வேணு உடல் நலக் குறைவால் தனது 73 ஆவது வயதில் காலமானார்.
நெடுமுடி வேணு சுமார் 500இற்கும் மேற்பட்ட திரைப்படங்களிலும், சின்னத்திரை தொடர்களிலும் நடித்துள்ளார். மூன்று தேசிய விருதுகள் மற்றும் ஆறு மாநில திரைப்பட விருதுகளை பெற்றுள்ளார்.
உடல் நலக் குறைவால் நேற்று (ஞாயிற்றுக்கிழமை) தனியார் வைத்தியசாலையில் அனுமதிக்கப்பட்ட நிலையில், சிகிச்சை பலனின்றி அவர் உயிரிழந்துள்ளதாக அறிவிக்கப்பட்டுள்ளது.
அவரது மறைவுக்கு திரையுலக பிரபலங்கள் பலர் இரங்கல் தெரிவித்து வருகின்றமை குறிப்பிடத்தக்கது.
