இந்துக்களின் மிக முக்கியமான தினமான மாசிமகத்தினை முன்னிட்டு நாடளாவிய ரீதியில் உள்ள அம்மன்ஆலயங்களில் இன்று விசேட உற்சவங்கள் நடைபெற்றுவருகின்றன.
மட்டக்கள்பபு மாவட்டத்தில் உள்ள அம்மன் ஆலயங்களில் இன்று (வியாழக்கிழமை) விசேட பூஜை வழிபாடுகள் முன்னெடுக்கப்பட்டன.
கிழக்கிலங்கையின் வரலாற்றுசிறப்புமிக்க மட்டக்களப்பு கொத்துக்குளம் அருள்மிகு ஸ்ரீமுத்துமாரியம்மன் ஆலயத்தின் இன்று காலை மாசிமக தீர்த்தோற்சவம் சிறப்பாக நடைபெற்றது.
ஆலயத்தின் பிரதகுரு சிவஸ்ரீ நிதி ஆலய பிரதம குரு சிவஸ்ரீ சிவஸ்ரீ ராஜ் நிஜோத் குருக்களின் தலைமையில் நடைபெற்றுள்ளது.
இதன்போது, விநாயகர் வழிபாடுகளுடன் கிரியைகள் ஆரம்பமாகி விசேட யாக பூசைகளுடன், ஹோமம் பூசைகள் நடைபெற்றன.இதனை தொடர்ந்து, விசேட அபிஷேக பூஜைகளுடன் பிரதான கும்பங்கள் ஊர்வலமாக கொண்டு செல்லப்பட்டு அம்மனுக்கு அபிஷேகம் செய்யப்பட்டு வசந்த மண்டபத்தில் எழுந்தருளியுள்ள அம்மனுக்கு முன்பாகவே விசேட பூஜை நடத்தப்பட்டதுடன் அம்பாள் ஊர்வலமாக ஆலயத்தின் முன்பாகவுள்ள தீர்த்தக்கேணிக்கு ஊர்வலமாக கொண்டுசெல்லப்பட்டார்.
அங்கு அம்பாளுக்கு விசேட பூஜைகள் நடைபெற்றதுடன் தீர்த்தக்கேணியில் விசேட அபிசேக ஆராதனைகள் நடைபெற்றதை தொடர்ந்து மாசிமகம் தீர்த்தோற்சவம் சிறப்பாக நடைபெற்றது.
அதனை தொடர்ந்து அம்பாளுக்கு விசேட பூஜைகள் நடைபெற்றதுடன் பக்தர்களுக்கு அருள்பாலிக்கும் நிகழ்வும் நடைபெற்றது.
