புதிதாக கண்டுபிடிக்கப்பட்ட சிறுகோள் ஒன்று அடுத்து பத்து ஆண்டுகளுக்குள் பூமியை தாக்கும் வாய்ப்பு அதிகரித்துள்ளதாக விஞ்ஞானிகள் கூறியுள்ளனர்.
2024 YR4 என்று பெயரிடப்பட்டுள்ள சிறுகோள் கடந்த டிசம்பரில் சிலியின் ரியோ ஹர்டாடோவில் மேம்பட்ட தொலைநோக்கிகள் மூலம் கண்டுபிடிக்கப்பட்ட பின்னர் பூமியை தாக்கும் எச்சரிக்கைகளை தூண்டியது.
அப்போதிருந்து, சிறுகோள் ஆபத்து பட்டியலில் முதலிடத்திற்கு முன்னேறியுள்ளது.
இது தற்சமயம் நமது கிரகத்திலிருந்து வெகு தொலைவில் உள்ளது.
2032 ஆம் ஆண்டில் பூமி மீதான இதன் தாக்கத்தின் வாய்ப்பு கடந்த ஜனவரியில் 1.2% ஆக இருந்ததாகவும், இப்போது அது சுமார் 2.3% ஆக உள்ளதாகவும் ஆய்வாளர்கள் கணித்துள்ளனர்.
தாக்கம் சாத்தியமானால், அது 22 டிசம்பர் 2032 அன்று சரியாக மதியம் 2.02 மணிக்கு பூமியுடன் மோதும் என்று கணிக்கப்பட்டுள்ளது.
துல்லியமான நேரம் பூமியுடன் மோதுவதற்கான சரியான நிகழ்தகவைப் போலவே மாற வாய்ப்புள்ளது.
இந்த சிறுகோள் கிழக்கு பசிபிக் பெருங்கடல், வடக்கு தென் அமெரிக்கா, அட்லாண்டிக் பெருங்கடல், ஆப்பிரிக்கா, அரபிக் கடல் அல்லது தெற்காசியாவில் எங்காவது தாக்கக்கூடும் என்று நாசா கூறுகிறது.
2024 YR4 சிறுகோள் 40மீ முதல் 90மீ வரை அகலம் அல்லது 130அடி முதல் 300அடி வரை இருக்கும் என மதிப்பிடப்பட்டுள்ளது.
