இங்கிலாந்தின் முதன்மையான உள்நாட்டு கால்பந்தாட்ட போட்டிகளில் ஒன்றான பிரீமியர் லீக்கில், லிவர்பூல் அணியானது சாம்பியன் பட்டம் வென்றுள்ளது.
நேற்றைய (27) தினம் ஆன்ஃபீல்ட் கால்பந்து மைதானத்தில் ஆரம்பமான பிரிமியர் லீக் இறுதிப்போட்டியில் லிவர்பூல் -டோட்டன்ஹாம் ஆகிய அணிகள் மோதின.
இந்த இறுதிப்போட்டியில் லிவர்பூல் அணி 5 -1 என்ற கோல் கணக்கில் டோட்டன்ஹாம் அணியை தோற்கடித்து பிரிமியர் லீக் சாம்பியன் பட்டத்தை வென்றது.
2020 ஆம் ஆண்டிற்கு பின்னர் லிவர்பூல் அணி பிரிமியர் லீக் தொடரை கைப்பற்றிய சந்தர்ப்பம் இதுவாகும்.
2020 ஆம் ஆண்டிற்கு பின்னர் கடந்த நான்கு வருடங்களாக பிரிமியர் லீக் சாம்பியன் பட்டத்தை மான்செஸ்டர் அணி கைப்பற்றி இருந்தது.
அந்த சாதனையை தற்போது லிவர்பூல் அணி முறியடித்துள்ளதுடன், இதுவரை அதிகமுறை பிரிமியர் லீக் பட்டத்தை கைப்பற்றிய சாதனையையும் சமன் செய்திருக்கின்றது.
மான்செஸ்டர் யுனைடெட் அணி இதுவரை 20 முறை சாம்பியன் பட்டத்தை வென்றுள்ளது.
இந்த சாதனையை தற்போது லிவர்பூல் அணி சமன் செய்துள்ளது.
அதேநேரம், இங்கிலீஷ் தொடரிலேயே வெற்றிகரமான அணிகளில் ஒன்று என்ற பெருமையையும் லிவர்பூல் அணி பெற்றுள்ளமையும் குறிப்பிடத்தக்கது.
