கினிகத்தேனை நகரத்தின் வழியாகச் செல்லும் போக்குவரத்தை இலக்காகக் கொண்ட வாகனச் சோதனை நடவடிக்கை நேற்று மாலை (26) நுவரெலியா மாவட்ட தலைமை மோட்டார் போக்குவரத்து பரிசோதகர் மற்றும் பொலிஸாரின் பங்கேற்புடன் மேற்கொள்ளப்பட்டது.
இந்த நடவடிக்கையின் போது இலங்கை போக்குவரத்து சபை பேருந்துகள் மற்றும் தனியார் பேருந்துகள் உட்பட மொத்தம் 65 வாகனங்கள் பரிசோதிக்கப்பட்டன.
இதன்போது சேவைத் தரம் இல்லாத அடையாளம் காணப்பட்ட 12 வாகனங்களை 14 நாட்களுக்கு சேவையிலிருந்து தற்காலிகமாக அகற்ற நடவடிக்கை எடுக்கப்பட்டது.
பரிசோதிக்கப்பட்ட வாகனங்களில், தனியார் பேருந்துகள், ஆறு லொறிகள் மற்றும் ஒரு எரிபொருள் போக்குவரத்து பவுசர் உட்பட 12 வாகனங்கள் அடங்கும்.
அடையாளம் காணப்பட்ட குறைபாடுகள் சரிசெய்யப்பட்டு, மோட்டார் போக்குவரத்து பரிசோதகரின் மேற்பார்வையின் கீழ் வாகனங்கள் ஆய்வுக்கு உட்படுத்தப்படும் வரை, வாகன உரிமையாளர்கள் 14 நாட்களுக்கு வாகனங்களை இயக்க தடை விதிக்கப்பட்டுள்ளதாக பொலிஸார் கூறியுள்ளனர்.
