தொடை தசைநார் காயம் காரணமாக ஐசிசி ஆடவர் டி20 உலகக் கிண்ணத்தின் எஞ்சிய போட்டிகளில் இலங்கை கிரிக்கெட் அணியின் முன்னணி வீரர் வனிந்து ஹசரங்க விளையாட வாய்ப்பில்லை என்று வட்டாரங்கள் தெரிவிக்கின்றன.
ஹசரங்காவுக்குப் பதிலாக துஷான் ஹேமந்த அணியில் சேர்க்கப்படுவார் என்று எதிர்பார்க்கப்படுவதாகவும் வட்டாரங்கள் மேலும் தெரிவிக்கின்றன.
பெப்ரவரி 8 ஆம் திகதி அயர்லாந்துக்கு எதிரான இலங்கையின் முதல் போட்டியின் போது ஹசரங்கா காயமடைந்தார்.
அந்த போட்டியில் இலங்கை 20 ஓட்டங்கள் வித்தியாசத்தில் வெற்றி பெற்றது.
இந்தப் போட்டியில் பெரும் சிரமத்துக்கு மத்தியில் பந்துப் பரிமாற்றம் மேற்கொண்ட ஹசரங்க 4 ஓவர்கள் பந்து வீசி 25 ஓட்டங்களை வழங்கி நான்கு விக்கெட்டுகளை வீழ்த்தியிருந்தமையும் குறிப்பிடத்தக்கது.
