இந்தியாவின் கிழக்கு இமயமலைத் தொடரில் சிறிய கொம்புகளைக் கொண்ட ஐந்து புதிய தவளை இனங்களை விஞ்ஞானிகள் கண்டுபிடித்துள்ளனர்.
டில்லி பல்கலைக்கழகம் மற்றும் ஹார்வர்ட் பல்கலைக்கழகத்தைச் சேர்ந்த விஞ்ஞானிகள் குழுவினால் ஐந்து ஆண்டுகளாக மேற்கொள்ளப்பட்ட ஆய்வின் பின்னர் இந்தக் கண்டுபிடிப்பு மேற்கொள்ளப்பட்டுள்ளது.
இமயமலைத் தொடரில் வாழும் தவளைகள், முன்னர் கருதப்பட்டதை விடவும் வேகமாகப் பரிணாம வளர்ச்சியடைந்துள்ளமை இந்த ஆய்வின் மூலம் தெரியவந்துள்ளதாக விஞ்ஞானிகள் நம்புகின்றனர்.
