இலங்கையில் 5 ஆவது முறையாக இடம்பெறும் லங்கா பிரீமியர் லீக் தொடரின் 10 ஆவது போட்டியில் Dambulla Sixers அணி 08 விக்கெட்களால் வெற்றி பெற்றுள்ளது.
அதன்படி, தம்புள்ளை மைதானத்தில் நேற்றிரவு 7.30 மணிக்கு இடம்பெற்ற இப்போட்டியின் நாணயச் சுழற்சியில் வெற்றிபெற்ற Dambulla Sixers முதலில் களத்தடுப்பில் ஈடுபடத் தீர்மானித்தது.
அதற்கமைய, முதலில் துடுப்பெடுத்தாடிய Colombo Strikers அணி 20 ஓவர்கள் நிறைவில் 6 விக்கெட்களை இழந்து 185 ஓட்டங்களை பெற்றுக்கொண்டது.
Colombo Strikers அணி சார்பில் Glenn Phillips 52 ஓட்டங்களைப் பெற்றுக் கொடுத்தார்.
இதனையடுத்து, 186 ஓட்டங்கள் என்ற வெற்றி இலக்குடன் களமிறங்கிய Dambulla Sixers அணி 17.5 ஓவர்கள் நிறைவில் 02 விக்கெட்களை இழந்து 188 ஓட்டங்களைப் பெற்று 08 விக்கெட்களால் வெற்றி பெற்றுள்ளது.
Dambulla Sixers அணி சார்பில் Kusal Perera 80 ஓட்டங்களை பெற்றுக் கொடுத்திருந்தமை குறிப்பிடத்தக்கது.
