அத்துருகிரியில் இன்று இடம்பெற்ற துப்பாக்கிச் சூட்டில் மற்றுமொரு நபா் உயிரிழந்துள்ளதாக பொலிஸ் ஊடகப் பிரிவு தெரிவித்துள்ளது.
இதேவேளை பாடகி கே. சுஜீவ காயமடைந்து மேலதிக சிகிச்சைக்காக ஹோமாகம ஆதார வைத்தியசாலையில் இருந்து கொழும்பு தேசிய வைத்தியசாலையில் அனுமதிக்கப்பட்டுள்ளதாக பொலிஸ் ஊடகப் பிரிவு தெரிவித்துள்ளது.
மேலும் துப்பாக்கிச் சூட்டில் காயமடைந்த இருவர் ஹோமாகம ஆதார வைத்தியசாலையிலும், ஒருவர் கொழும்பு தேசிய வைத்தியசாலையிலும் சிகிச்சை பெற்று வருவதாக பொலிஸ் ஊடகப் பிரிவு மேலும் தெரிவித்துள்ளது.
அதுருகிரியவில் துப்பாக்கிச் சூடு – ஒருவர் உயிரிழப்பு ஐவர் காயம்!
அதுருகிரிய, ஒருவல பகுதியில் இன்று (திங்கட்கிழமை) இடம்பெற்ற துப்பாக்கிச் சூட்டுச் சம்பவத்தில் பிரபல வர்த்தகரான சுரேந்திர வசந்த எனப்படும் கிளப் வசந்த என்பவர் உயிரிழந்துள்ளார்.
அதேநேரம் மேலும் ஐவர் காயமடைந்துள்ளதாக பொலிஸார் தெரிவித்துள்ளதுடன் பிரபல பாடகி சுஜீவாவும் இருப்பதாகவும் பொலிஸார் தெரிவித்துள்ளனர்
மேலும் குறித்த துப்பாக்கிச் சூட்டுச் சம்பவம் தொடர்பில் அதுருகிரிய பொலிஸார் விசாரணைகளை மேற்கொண்டு வருகின்றமை குறிப்பிடத்தக்கது.
