பெங்களூரை தலைமையிடமாகக் கொண்டு இயங்கும் ஸ்ட்ரைட்ஸ் பார்மா சயின்ஸின் உயிர் மருந்துப் பிரிவான ஸ்டெலிஸ் பயோபார்மா, தற்போது இந்தியாவில் அவசர அங்கீகாரத்திற்காகக் காத்திருக்கும் ரஷ்ய கொவிட் -19 தடுப்பூசியான ஸ்பூட்னிக் V இன் குறைந்தது 200 மில்லியன் டோஸ்களை தயாரித்து வழங்கவுள்ளது.
சமீபத்திய ஒப்பந்தம், குறித்த தடுப்பூசியை வருடத்துக்கு 550 மில்லியன் அளவுகளாக மாற்றுவதற்கான இந்தியாவின் திறனை அதிகரிக்கும் என்று எதிர்பார்க்கப்படுகிறது.
ரஷ்ய நேரடி முதலீட்டு நிதியத்துடன் (ஆர்.டி.ஐ.எஃப்) கூட்டு சேர்ந்துள்ள ஸ்டெலிஸ், இந்த தடுப்பூசியின் உற்பத்தி திறனை அதிகரிக்க இந்திய மருந்து தயாரிப்பாளர்களின் உதவிகளையும் பெற்றுக்கொள்ள தீர்மானித்துள்ளது.
ஆர்.டி.ஐ.எஃப் படி, 2021 ஆம் ஆண்டின் காலாண்டான ஜூலை முதல் செப்டெம்பர் வரை ஸ்பூட்னிக் விநியோகத்தை மேற்கொள்ள குறித்த நிறுவனம் விரும்புகிறது.
ஆரம்ப ஒப்பந்தத்திற்கு அப்பால் கூடுதல் விநியோக அளவுகளை வழங்க ஸ்டெலிஸ் RDIF உடன் தொடர்ந்து பணியாற்றுவார்’ என்று ரஷ்ய நிதி நிறுவனம் தெரிவித்துள்ளது.
ஆர்.டி.ஐ.எஃப் மற்றும் ஸ்டெலிஸ் பயோபார்மா இடையேயான ஒப்பந்தம், என்சோ ஹெல்த்கேர் எல்.எல்.பி (என்சோ குழுமத்தின் ஒரு பகுதி), இந்தியாவில் ஸ்பூட்னிக் வி தடுப்பூசிகளை உருவாக்குவதற்கான ஆர்.டி.ஐ.எஃப் இன் ஒருங்கிணைப்பு பங்குதாரரின் கீழ் தீர்மானம் எட்டப்பட்டுள்ளது என்று கூறப்பட்டுள்ளது.
ஸ்பூட்னிக்கு ஆர்.டி.ஐ.எஃப் உடன் கூட்டுசேர்ந்த நான்காவது இந்திய நிறுவனம் ஸ்டெலிஸ், ஷ்ய தடுப்பூசியின் மூன்றாவது உற்பத்தியாளராகவும் இருக்கும்.
மேலும் ஹைதராபாத்தை தளமாகக் கொண்ட கிளாண்ட் பார்மா 252 மில்லியன் டோஸ் வரை ஸ்பூட்னிக் வி உற்பத்தி செய்ய, இதேபோன்ற கூட்டணியை அறிவித்தது.
கடந்த வருடம், ஆர்.டி.ஐ.எஃப் மற்றும் மற்றொரு ஹைதராபாத் நிறுவனமான ஹெட்டெரோ பயோபார்மா ஆகியவை 100 மில்லியன் டோஸ் வரை ஒப்பந்தம் செய்தன.
இந்த நிறுவனங்களைத் தவிர, வைத்தியர் ரெட்டியின் ஆய்வகங்கள், ஆர்.டி.ஐ.எஃப் உடன் இந்தியாவில் ஸ்பூட்னிக் வி பற்றி ஒரு ஆய்வு செய்து, நாட்டில் அதன் ஒழுங்குமுறை அங்கீகாரத்திற்கு விண்ணப்பிக்க ஒப்பந்தம் செய்துள்ளன.
அதற்கான ஒப்புதல்களைப் பெற்றதும் ஆர்.டி.ஐ.எஃப் வழங்கிய தடுப்பூசியின் சுமார் 200 மில்லியன் டோஸை விநியோகிக்க முடியும்.
மேலும் வைத்தியர் ரெட்டி பெப்ரவரி மாதம், இடைக்கால நோயெதிர்ப்புத் தரவுகளின் அடிப்படையில் ஸ்பூட்னிக் ஏ இன் அவசர அங்கீகாரத்தை கோரி மத்திய மருந்துகள் தரக் கட்டுப்பாட்டு அமைப்பை (சிடிஸ்கோ) அணுகினார்.
இதேவேளை தடுப்பூசியின் செயல்திறன் பற்றிய ரஷ்ய தரவுகளையும் இது சமர்ப்பித்தது. இது 91.6 சதவிகிதம் என்று கண்டறியப்பட்டது என விஞ்ஞான இதழான தி லான்செட்டில் வெளியிடப்பட்ட ஒரு ஆய்வறிக்கையில் கூறப்பட்டுள்ளது.
