இலங்கையில் கொரோனா வைரஸ் தொற்றாளர்களின் எண்ணிக்கை நாளுக்கு நாள் அதிகரித்து வருவதுடன் உயிரிழப்புக்களின் எண்ணிக்கையும் சடுதியாக அதிகரித்து வருகின்றது.
இந்நிலையில் கடந்த 2021 மே 6 ஆம் திகதி முதல் மே 9 ஆம் திகதி வரை கொரோனா வைரஸ் தொற்றினால் 15பேர் உயிரிழந்துள்ளதாக சுகாதார சேவைகள் பணிப்பாளர் நாயகம் நேற்று (ஞாயிற்றுக்கிழமை) உறுதி செய்துள்ளார்.
இதற்கமைய கொரோனா வைரஸ் தொற்றினால் உயிரிழந்தவர்களின் மொத்த எண்ணிக்கை 801 ஆக அதிகரித்துள்ளது.
அந்தவகையில் இறுதியாக பதிவாகிய 15 மரணங்கள் தொடர்பாக சுகாதார சேவைகள் பணிப்பாளர் நாயகம் நேற்று வெளியிட்ட ஊடக அறிக்கையில் கூறப்பட்டுள்ளதாவது, ”கணேமுல்ல பிரதேசத்தை சேர்ந்த 46 வயதுடைய ஆணொருவர், வெலிசறை காச நோய் வைத்தியசாலையில் சிகிச்சை பெற்று வந்த நிலையில், கடந்த 2021 மே 6 ஆம் திகதியன்று உயிரிழந்துள்ளார். கொவிட் நியூமோனியா நிலைமையே உயிரிழப்புக்கான காரணமாகக் கூறப்பட்டுள்ளது.
அம்பிட்டிய பிரதேசத்தைச் சேர்ந்த 76 வயதுடைய பெண்ணொருவர், பேராதனை போதனா வைத்தியசாலையில் சிகிச்சை பெற்று வந்த நிலையில், கடந்த 2021 மே 8 ஆம் திகதியன்று உயிரிழந்துள்ளார். கொவிட் 19 தொற்று, குருதி நஞ்சானமை மற்றும் நியூமோனியா நிலைமையே உயிரிழப்புக்கான காரணம் என பதிவு செய்யப்பட்டுள்ளது.
பண்டாரகம பிரதேசத்தைச் சேர்ந்த 52 வயதுடைய பெண்ணொருவர், ஹொரணை ஆதார வைத்தியசாலையில் சிகிச்சை பெற்று வந்த நிலையில், கடந்த 2021 மே 9 ஆம் திகதியன்று உயிரிழந்துள்ளார். கொவிட் நியூமோனியா மற்றும் ஹைபோதைரொயிட் நோய் நிலைமையே உயிரிழப்புக்கான காரணமாக அடையாளம் காணப்பட்டுள்ளது.
குளியாப்பிட்டி பிரதேசத்தைச் சேர்ந்த 62 வயதுடைய பெண்ணொருவர், குளியாப்பிட்டி ஆதார வைத்தியசாலையில் சிகிச்சை பெற்று வந்த நிலையில், அநுராதபுரம் போதனா வைத்தியசாலைக்கு மாற்றப்பட்டதுடன், குறித்த வைத்தியசாலையில் கடந்த 2021 மே 9 ஆம் திகதியன்று உயிரிழந்துள்ளார். கொவிட் நியூமோனியா நிலைமையே மரணத்திற்கான காரணமாக பதிவு செய்யப்பட்டுள்ளது.
குளியாப்பிட்டி பிரதேசத்தைச் சேர்ந்த 56 வயதுடைய ஆண்ணொருவர், முல்லேரியா ஆதார வைத்தியசாலையில் சிகிச்சை பெற்று வந்த நிலையில், கொவிட் தொற்றாளராக அடையாளம் காணப்பட்டதைத் தொடர்ந்து, அங்கிருந்து தேசிய தொற்று நோயியல் வைத்தியசாலைக்கு மாற்றி அனுப்பப்பட்டதுடன், குறித்த வைத்தியசாலையில் கடந்த 2021 மே 08 ஆம் திகதியன்று உயிரிழந்துள்ளார். குருதி நஞ்சானமையால் ஏற்பட்ட அதிர்ச்சி, உக்கிர சிறுநீரக சிதைவடைவு, கொவிட் நியுமோனியா, உக்கிர சுவாசக் கோளாறு சிண்ட்ரோம் மற்றும் மாரடைப்பு நிலைமையே மரணத்திற்கான காரணங்களாக பதிவு செய்யப்பட்டுள்ளது.
ராகமை பிரதேசத்தைச் சேர்ந்த 72 வயதுடைய பெண்ணொருவர், வடகொழும்பு போதனா வைத்தியசாலையில் சிகிச்சை பெற்று வந்த நிலையில், கொவிட் 19 தொற்றாளராக அடையாளம் காணப்பட்டதைத் தொடர்ந்து, அங்கிருந்து தேசிய தொற்று நோயியல் வைத்தியசாலைக்கு மாற்றி அனுப்பப்பட்டதுடன், குறித்த வைத்தியசாலையில் கடந்த 2021 மே 8 ஆம் திகதியன்று உயிரிழந்துள்ளார். கொவிட் நியூமோனியா, குருதி நஞ்சானமையால் ஏற்பட்ட அதிர்ச்சி, உக்கிர சுவாசக் கோளாறு சிண்ட்ரோம் மாரடைப்பு மற்றும் நீரிழிவு நோய் நிலைமையே மரணத்திற்கான காரணங்களாகக் கூறப்பட்டுள்ளன.
பிபிலை பிரதேசத்தைச் சேர்ந்த 59 வயதுடைய ஆண்ணொருவர், பதுளை பொது வைத்தியசாலையில் சிகிச்சை பெற்று வந்த நிலையில், 2021 மே 7 ஆம் திகதியன்று உயிரிழந்துள்ளார். கொவிட் நியூமோனியா மற்றும் புற்றுநோய் நிலைமையே மரணத்திற்கான காரணங்களாகக் குறிப்பிடப்பட்டுள்ளன.
பசறை பிரதேசத்தைச் சேர்ந்த 74 வயதுடைய ஆண்ணொருவர், பதுளை பொது வைத்தியசாலையில் சிகிச்சை பெற்று வந்த நிலையில் கடந்த 2021 மே 8 ஆம் திகதியன்று உயிரிழந்துள்ளார். கொவிட் நியூமோனியா, உயர் குருதியழுத்தம், நீரிழிவு, நாட்பட்ட சிறுநீரக நோய் நிலைமையே மரணத்திற்கான காரணங்களாக பதிவு செய்யப்பட்டுள்ளது.
கல்கிரியாகம பிரதேசத்தைச் சேர்ந்த 60 வயதுடைய பெண்ணொருவர், அநுராதபுரம் போதனா வைத்தியசாலையில் சிகிச்சை பெற்று வந்த நிலையில் கடந்த 2021 மே 7 ஆம் திகதியன்று உயிரிழந்துள்ளார். கொவிட் நியூமோனியா நிலைமையே மரணத்திற்கான காரணமாகக் கூறப்பட்டுள்ளது.
நேபொட பிரதேசத்தைச் சேர்ந்த 67 வயதுடைய பெண்ணொருவர், ஹொரணை ஆதார வைத்தியசாலையில் சிகிச்சை பெற்று வந்த நிலையில் கடந்த 2021 மே 8 ஆம் திகதியன்று உயிரிழந்துள்ளார். கொவிட் நியூமோனியா நிலைமையே மரணத்திற்கான காரணமாகக் குறிப்பிடப்பட்டுள்ளது.
வஸ்கடுவ பிரதேசத்தைச் சேர்ந்த 69 வயதுடைய பெண்ணொருவர், களுத்துறை பொது வைத்தியசாலையில் சிகிச்சை பெற்று வந்த நிலையில் 2021 மே 07 ஆம் திகதியன்று உயிரிழந்துள்ளார். கொவிட் நியூமோனியா, நீரிழிவு மற்றும் உயர் குருதியழுத்தம் போன்ற நிலைமைகளே மரணத்திற்கான காரணங்களாகக் குறிப்பிடப்பட்டுள்ளன.
போம்புவல பிரதேசத்தைச் சேர்ந்த 75 வயதுடைய பெண்ணொருவர், கடந்த 2021 மே 6 ஆம் திகதியன்று களுத்துறை மாவட்ட பொது வைத்தியசாலையில் அனுமதிக்கப்படும் போது உயிரிழந்துள்ளார். கொவிட் நியூமோனியா நிலைமையே மரணத்திற்கான காரணமாக பதிவு செய்யப்பட்டுள்ளது.
நாவுத்துடுவ பிரதேசத்தைச் சேர்ந்த 86 வயதுடைய பெண்ணொருவர், கடந்த 2021 மே 6 ஆம் திகதியன்று களுத்துறை மாவட்ட பொது வைத்தியசாலையில் அனுமதிக்கப்படும் போது உயிரிழந்துள்ளார். கொவிட் நியூமோனியா மற்றும் இதயநோய் நிலைமையே மரணத்திற்கான காரணங்களாகக் குறிப்பிடப்பட்டுள்ளன.
மடோல்கெலே பிரதேசத்தைச் சேர்ந்த 57 வயதுடைய பெண்ணொருவர், கடந்த 2021 மே 6 ஆம் திகதியன்று மடோல்கெலே வைத்தியசாலையில் அனுமதிக்கப்படும்போது உயிரிழந்துள்ளார். கொவிட் 19 தொற்று மற்றும் மாரடைப்பு நிலைமையே மரணத்திற்கான காரணங்களாகக் கூறப்பட்டுள்ளன.
கொழும்பு 7 பிரதேசத்தைச் சேர்ந்த 61 வயதுடைய ஆண்ணொருவர், கொழும்பு தேசிய வைத்தியசாலையில் சிகிச்சை பெற்று வந்த நிலையில், கொவிட் தொற்றாளராக அடையாளம் காணப்பட்டதைத் தொடர்ந்து, ஹோமாகம ஆதார வைத்தியசாலைக்கு மாற்றப்பட்டதுடன், குறித்த வைத்தியசாலையில் கடந்த 2021 மே 8 ஆம் திகதியன்று உயிரிழந்துள்ளார். கொவிட் நியூமோனியா மற்றும் நாட்பட்ட சிறுநீரக நோய் நிலைமையே மரணத்திற்கான காரணங்களாக பதிவு செய்யப்பட்டுள்ளது” என அறிக்கையில் கூறப்பட்டுள்ளது.
