திருகோணமலை- கண்டி பிரதான வீதி, தம்பலகமம் சந்திக்கு அருகில் இடம்பெற்ற வாகன விபத்தில் ஒருவர் உயிரிழந்துள்ளதுடன் மற்றுமொருவர் பலத்த காயங்களுடன் வைத்தியசாலையில் சிகிச்சைக்காக அனுமதிக்கப்பட்டுள்ளார்.
திருகோணமலை நோக்கி பயணித்து கொண்டிருந்த வான், எதிரே வந்த லொறி ஒன்றுடன் நேருக்கு நேர் மோதி விபத்துக்கு உள்ளாகியுள்ளது.
குறித்த வான், தனது வழியில் இருந்து விலகி, எதிர்திசையில் பயணிக்க முற்பட்டமையின் காரணமாகவே விபத்து ஏற்பட்டுள்ளதாக பொலிஸாரின் ஆரம்பகட்ட விசாரணையில் தெரியவந்துள்ளது.
இதில் வான், முழுமையாக சேதமடைந்துள்ளதுடன் விபத்தில் சிக்கியிருந்த லொறி சுமார் 150 மீட்டர் தொலைவில் தடம்புரண்டு கிடந்ததாக எமது பிராந்திய செய்தியாளர் தெரிவித்துள்ளார்.
இந்நிலையில் தம்பலகமம் பொலிஸார் மேலதிக விசாரணைகளை முன்னெடுத்து வருகின்றனர்.
