அரச சார்பற்ற அமைப்புக்களினால் வழங்கப்பட்ட ஒரு தொகுதி சுகாதார பொருட்களை, மன்னார் மாவட்ட அரசாங்க அதிபர், சுகாதார துறையினரிடம் இன்று (வெள்ளிக்கிழமை) கையளித்தார்.
முகக்கவசம், தொற்று நீக்கி உள்ளிட்ட பல்வேறு சுகாதாரப் பொருட்களே இவ்வாறு கையளிக்கப்பட்டது.
மன்னார் மாவட்ட பொது வைத்தியசாலையிலுள்ள கொரோனா சிகிச்சை நிலையத்தில் கடமையாற்றும் உத்தியோகஸ்தர்களுக்கும், மன்னாரில் கடமையாற்றுகின்ற பொது சுகாதார பரிசோதகர்களுக்கும் வழங்கி வைக்கும் நோக்கில் மாவட்ட அரசாங்க அதிபர் திருமதி ஏ.ஸ்ரான்லி டி மெல்லினால் வழங்கி வைக்கப்பட்டமை குறிப்பிடத்தக்கது.
