திருகோணமலை- இலுப்பைக்குளம் பகுதியில் மேற்கொள்ளப்படும் கிரவல் அகழ்வை, தற்காலிகமாக நிறுத்துமாறு மாவட்ட அரசாங்க அதிபர் சமன் தர்சன பாண்டிகோராள உத்தரவிட்டுள்ளார்.
எதிர்வரும் திங்கட்கிழமை வரை உடன் அமுலாகும் வகையில் கிரவல் அகழ்வை நிறுத்துமாறு அவர் உத்தரவு பிறப்பித்துள்ளார்.
இந்த கிரவல் அகழ்வினால் சுற்றாடல் பாதிப்பு ஏற்பட்டுள்ளதாக தொடர்ந்து குற்றச்சாட்டுக்கள் முன்வைக்கப்பட்ட நிலையில், இன்று (சனிக்கிழமை) சம்பவ இடத்திற்கு விரைந்த அரசாங்க அதிபர் அங்கு நிலைமைகளை ஆராய்ந்துள்ளார்.
அதனைத் தொடர்ந்தே கிரவல் அகழ்வை, தற்காலிகமாக நிறுத்துமாறு அரசாங்க அதிபர் உத்தரவு பிறப்பித்துள்ளார்.
மேலும் கிரவல் அகழ்வை பரிசீலிக்க குழுவொன்றை அமைத்து எதிர்வரும் திங்கட்கிழமைக்குள் அது தொடர்பான முடிவை உரிய தரப்பினருக்கு வழங்குவேன் எனவும் அரசாங்க அதிபர் சமன் தர்சன பாண்டிகோராள குறிப்பிட்டுள்ளார்.
