மன்னார் மாவட்டத்தில் 3 ஆவது நாளாக இன்றும் (ஞாயிற்றுக்கிழமை) ‘பைசர்’ கொரோனா தடுப்பூசி செலுத்தும் நடவடிக்கை முன்னெடுக்கப்பட்டுள்ளது.
மன்னார், வங்காலை, தலைமன்னார், பேசாலை, முத்தரிப்புத்துறை மற்றும் மடு பகுதியை சேர்ந்தவர்களுக்கே குறித்த தடுப்பூசி செலுத்தப்பட்டு வருகின்றது.
அந்தவகையில் இன்றைய தினம், மன்னார் பகுதியை சேர்ந்தவர்களுக்கு மன்னார் சித்திவிநாயகர் இந்து தேசிய பாடசாலை மற்றும் மன்னார் புனித சவேரியார் பெண்கள் தேசிய பாடசாலை ஆகிய பாடசாலைகளில் ‘பைசர்’ கொரோனா தடுப்பூசி செலுத்தும் பணி இடம் பெற்று வருகின்றது.
மேலும் நாளைய தினமும் குறித்த பாடசாலைகளிலேயே கொரோனா தடுப்பூசி செலுத்தப்படும் என அறிவிக்கப்பட்டுள்ளது.
இதேவேளை மக்களும் ஆர்வத்துடன் குறித்த தடுப்பூசியை பெற்றுச் செல்கின்றமையை அவதானிக்க கூடியதாக உள்ளதாக எமது பிராந்திய செய்தியாளர் தெரிவித்துள்ளார்.
