இராணுவம் மற்றும் புலனாய்வாளர்களின் அச்சுறுத்தல்களின் மத்தியில் வலிகாமம் கிழக்குப் பிரதேச சபையில், கறுப்பு ஜுலை நினைவேந்தல் நிகழ்வு, இன்று (செவ்வாய்க்கிழமை) இடம்பெற்றன.
வலிகாமம் கிழக்குப் பிரதேச சபையின் தவிசாளர் தியாகராஜா நிரோஷ் தலைமையில் பிரதேச சபை உறுப்பினர்கள், உத்தியோகத்தர்கள் மற்றும் பணியாளர்கள் ஆகியோரின் பங்கேற்புடன் அஞ்சலி நிகழ்வுகள் இடம்பெற்றன.
இதன்போது கடந்த 1983 ஆம் ஆண்டு, வெலிக்கடை சிறையில் படுகொலை செய்யப்பட்ட தலைவர்களான தங்கத்துரை, குட்டிமணி, ஜெகன் உட்பட 53 அரசியல் கைதிகளுக்கும் அவ்வேளை படுகொலை செய்யப்பட்ட பொதுமக்களுக்கும் 2 நிமிடம் அகவணக்கம் செலுத்தப்பட்டது.
அதன்பின்னர் பொது ஈகைச்சுடர் தவிசாளரினால் ஏற்றி வைக்கப்பட்டமை குறிப்பிடத்தக்கது.
