நுவரெலியா- நோட்டன் பகுதியில் ஏற்பட்ட மண்சரிவில் 2 கடைகள் முற்றாக சேதமடைந்துள்ளதாக பொலிஸார் குறிப்பிட்டுள்ளனர்.
நேற்று (வியாழக்கிழமை) குறித்த சம்பவம் இடம்பெறும் வேளையில், கடையில் இருந்தவர் வெளியில் சென்றிருந்தமையினால் அவர் மயிரிழையில் உயிர்த் தப்பியுள்ளார்.
மேலும் மண்சரிவு காரணமாக கடையில் இருந்து தளபாடங்கள் மற்றும் குளிர்சாதன பெட்டி உட்பட அனைத்து பொருட்களும் சேதமடைந்துள்ளன.
இதேவேளை நோட்டன் பிரதான வீதியிலுள்ள பல இடங்களில் மண்சரிவு அபாயம் நிலவி வருகின்றமையினால், குறித்த வீதியினை பயன்படுத்தும் வாகன சாரதிகள் மிகவும் அவதானமாக வாகனங்களை செலுத்துமாறு நோட்டன் பொலிஸார் அறிவித்துள்ளனர்.
