தலவாக்கலை பொலிஸ் பிரிவுக்குட்பட்ட மேல் கொத்மலை நீர்த்தேக்கத்திலிருந்து பெண்ணின் சடலமொன்று இன்று (செவ்வாய்க்கிழமை) காலை 09.00 மணியளவில் கண்டெடுக்கப்பட்டதாக தலவாக்கலை பொலிஸார் தெரிவித்தனர்.
சடலமொன்று மிதப்பதைக்கண்டு பிரதேசவாசிகள் தலவாக்கலை பொலிஸாருக்கு அறிவித்துள்ளனர். அதன்பின்னர் சம்பவ இடத்திற்கு விரைந்த பொலிஸார் சடலத்தைக் கண்டெடுத்துள்ளனர்.
குறித்த பெண் தவறுதலாக நீர்த்தேக்கத்தில் விழுந்து உயிரிழந்தாரா அல்லது தற்கொலை செய்துகொண்டாரா அல்லது, எவராவது கொலை செய்து நீர்த்தேக்கத்தில் எரிந்து சென்றார்களா என்பது தொடர்பாக பலகோணங்களில் பொலிஸார் விசாரணைகளை முன்னெடுத்துள்ளனர்.
கண்டெடுக்கப்பட்ட சடலம் இதுவரை யாருடையது என அடையாளம் காணப்படவில்லை என்றும் உருக்குலைந்த நிலையிலேயே சடலம் காணப்படுகின்றது என்றும் மேலதிக விசாரணைகளைத் தொடர்வதாகவும் தலவாக்கலை பொலிஸார் தெரிவித்தனர்.
