ஹொங்கொங்கின் அடுத்த தலைவராக ஜோன் லீ பதவியேற்பு!

ஹொங்கொங்கின் அடுத்த தலைவராக ஜோன் லீ இன்று (வெள்ளிக்கிழமை) பதவியேற்றுள்ளார்.

முன்னாள் பிரித்தானிய காலணித்துவ ஆட்சிக்கு பிறகு ஹொங்கொங், சீனாவிடம் ஒப்படைக்கப்பட்ட 25 ஆண்டுகளைக் குறிக்கும் விஷேட நிகழ்வும் நடைபெற்றது.

இந்த விழாவை சீன ஜனாதிபதி ஸி ஜின்பிங் மேற்பார்வையிட்டார், அவர் தொற்றுநோய் தொடங்கியதிலிருந்து சீனாவின் பிரதான நிலப்பகுதிக்கு வெளியே தனது முதல் பயணத்தில் நேற்று (வியாழக்கிழமை) ஹொங்கொங்கிற்குச் சென்றார்.

தனது தொடக்க உரையில், லீ, ஹொங்கொங்கின் பிரச்சினைகளை ஒரு நேரத்தில் தீர்த்து வைப்பதாக உறுதியளித்தார்.

முன்னாள் பாதுகாப்புத் தலைவரான லீ, உலகின் மிக நீண்ட கால கொவிட்-19 கட்டுப்பாடுகள் மற்றும் தேசிய பாதுகாப்புச் சட்டத்திற்குப் பிறகு சர்வதேச நிதி மையத்தின் நற்பெயரை மீட்டெடுக்கும் கடினமான பணியை எதிர்கொள்கிறார்.

இதனைத்தொடர்ந்து கருத்து தெரிவித்த சீன ஜனாதிபதி ஸி ஜின்பிங், ‘ஆட்சி தேசபக்தர்களின் கைகளில் இருக்க வேண்டும். வெளியாட்கள், அல்லது துரோகிகள் கூட அரசியல் அதிகாரத்தைப் பெற அனுமதிக்கும் யாரும் உலகில் இல்லை.

ஹொங்கொங்கின் மீது பெய்ஜிங்கிற்கு விரிவான அதிகார வரம்பு இருந்தாலும், 2047ஆம் ஆண்டு வரை நகரத்திற்கு உறுதியளிக்கப்பட்ட ‘ஒரு நாடு, இரண்டு அமைப்புகள் ஏற்பாட்டின் கீழ் அது பிரதேசத்தின் சுயாட்சியைப் பாதுகாத்துள்ளது.

நாம் நடைமுறை மற்றும் நம்பிக்கைக்குரியவர்களாக இருக்க வேண்டும், மக்களுக்கு ஏற்றவாறு வாழ வேண்டும், ஒட்டுமொத்த சமுதாயத்தின், குறிப்பாக சாதாரண குடிமக்களின் எதிர்பார்ப்புகளை, நிர்வாகத்தின் மிகப்பெரிய நோக்கமாக எடுத்துக் கொள்ள வேண்டும், மேலும் சிரமங்களை சமாளிக்க தைரியமான மற்றும் மிகவும் பயனுள்ள நடவடிக்கைகளை எடுக்க வேண்டும்’ என கூறினார்.

முன்னாள் பொலிஸ்துறை அதிகாரியான லீ, 2019ஆம் ஆண்டு போராட்டங்களின் போது முன்னணி பாதுகாப்பு அதிகாரியாகவும் இருந்தார். ஹொங்கொங்கில் பாதுகாப்பில் கவனம் செலுத்தும் பெய்ஜிங்கின் நோக்கத்தின் அடையாளமாக, அவர் கடந்த ஆண்டு தலைமைப் பதவிக்கு உயர்த்தப்பட்டார்.