மட்டக்களப்பு, சந்திவெளி பகுதியில் நேற்று வியாழக்கிழமை மாலை இடம்பெற்ற கோர விபத்து சம்பவத்தில் இளைஞன் ஒருவர் மரணமடைந்துள்ளதுடன் இருவர் காயமடைந்துள்ளதாக சந்திவெளி பொலிஸார் தெரிவித்தனர்.
சந்திவெளி பொலிஸ் பிரிவிற்குட்பட்ட சந்திவெளி பிரதான வீதியில் இரு மோட்டார் சைக்கிள்கள் மோதிக் கொண்டதிலேயே இந்த விபத்து நேர்ந்துள்ளது.
விபத்தில் உயிரிழந்த இளைஞன் கிரான், முருகன் கோவில் வீதி கோரகல்லிமடு கிராமத்தைச் சேர்ந்த 21 வயதுடைய ஜீவரெத்தினம் சனுஜன் என பொலிஸார் தெரிவித்துள்ளளனர்.
அத்தோடு சந்திவெளி சந்தை வீதியை சேர்ந்த சன்முகநாதன் சுதாநிதி என்ற தாயும் நல்லரெட்ணம் யதுஷிகா என்ற 4 வயது அவரின் மகள் பலத்த காயங்களுக்கு உள்ளாகியுள்ளனர் என்றும் கூறப்பட்டுள்ளது.
காயமடைந்தவர்கள், சந்திவெளி பிரதேச வைத்தியசாலையில் அனுமதிக்கப்பட்ட நிலையில் மேலதிக சிகிச்சைக்காக மட்டக்களப்பு போதனா வைத்தியசாலைக்கு மாற்றப்பட்டுள்ளனர்.
மேலதிக விசாரணைகளை சந்திவெளி பொலிஸார் மேற்கொண்டு வருகின்றனர் என்பது குறிப்பிடத்தக்கது.
