நாட்டில் கண்டறியப்பட்ட கொரோனா வழக்குகளின் எண்ணிக்கை குறைந்துள்ள போதும் வைரஸ் முற்றாக நீங்கிய நிலைக்கு நாடு இன்னும் வரவில்லை என சுகாதார சேவைகளின் பிரதிப் பணிப்பாளர் வைத்தியர் ஹேமந்த ஹேரத் தெரிவித்தார்.
இந்த விடயம் குறித்து ஆங்கில ஊடகமொன்றுக்கு தெரிவித்துள்ள அவர், பதினாறு மில்லியன் மக்கள் கொரோனாவுக்கு எதிரான முதலாவது தடுப்பூசியையும் பதினான்கு மில்லியன் மக்கள் 2ஆவது தடுப்பூசியையும் பெற்றுள்ளதாக தெரிவித்தார்.
மேலும் எட்டு மில்லியன் மக்கள் மூன்றாவது தடுப்பூசியையும் பெற்றுள்ளதாக தெரிவித்தார்.
இதன் காரணமாக சமூகத்தில் ஒரு நியாயமான நோய் எதிர்ப்பு சக்தி உள்ளதாகவும் எனவே, சமூகத்தில் வைரஸ் கட்டுக்குள் உள்ளதாகவும் அவர் கூறினார்.
சமூகத்தில் தற்போதைய நோய்த்தடுப்பு வீதத்தை நாம் தொடர்ந்தால், வைரஸ் தொடர்ந்து கட்டுப்பாட்டில் இருக்கும் என்றும் அவர் குறிப்பிட்டார்.
தினமும் பதிவாகும் வழக்குகளின் எண்ணிக்கை குறைந்துள்ளது என்றும் ஆனால் அது அதிகரிக்கலாம் என்பதால், சுகாதார வழிகாட்டுதல்களை நாம் தொடர்ந்து கடைப்பிடிக்க வேண்டுமென்றும் அவர் வலியுறுத்தினார்.
