2022 ஆம் ஆண்டில், 91 இலட்சத்திற்கும் அதிகமான யாத்ரீகர்கள் கத்ராவில் அமைந்துள்ள மாதா வைஷ்ணோ தேவியின் புனித கோவிலுக்கு வருகை தந்தனர், இது கடந்த ஒன்பது ஆண்டுகளில் இல்லாத அளவிற்கு அதிகமாகும்.
2022 ஆம் ஆண்டின் கடைசி நாளான சனிக்கிழமையன்று, 23,000 பக்தர்கள் கோயிலுக்கு வருகை தந்தனர்.
ஸ்ரீ மாதா வைஷ்ணோ தேவி ஆலய வாரியத்தின் தலைமை நிர்வாக அதிகாரி அன்ல் கர்க் கூறுகையில், ‘2022 ஆம் ஆண்டில் ஸ்ரீ மாதா வைஷ்ணோ தேவியின் விழாவில் மொத்தம் 91.25 இலட்சம் பக்தர்கள் தரிசனம் செய்தனர், இது இணையவழி யாத்திரை பதிவு தொடங்கப்பட்டதிலிருந்து அதிக எண்ணிக்கையில் உள்ளது.
ஆலய வாரியம் வெளியிட்டுள்ள தரவுகளின்படி, 2022 ஆம் ஆண்டின் கடைசி நாளில் 23,110 யாத்ரீகர்கள் சன்னதியில் தரிசனம் செய்தனர்.
கடந்த ஆண்டு, ஜூன் மாதத்தில் அதிகபட்சமாக 11.29 இலட்சம் யாத்ரீகர்கள் பிரசன்னமாகியிருந்தனர்.
அதேசமயம் பிப்ரவரியில் குறைந்த எண்ணிக்கையில் 3.61 இலட்சம் பக்தர்கள் வருகை தந்துள்ளனர்.
கடந்த ஆண்டு ஜனவரி 1 ஆம் திகதி வைஷ்ணோ தேவி சன்னதியில் ஏற்பட்ட நெரிசலில் 12 யாத்ரீகர்கள் உயிரிழந்ததோடு 16 பேர் காயமடைந்தனர் என்பது குறிப்பிடத்தக்கது
