வவுனியா வைத்தியசாலை சிற்றூழியர்கள் பணிபகிஷ்கரிப்பை மேற்கொண்டதுடன், ஆர்ப்பாட்ட பேரணி ஒன்றினையும் முன்னெடுத்திருந்தனர்.
இன்றையதினம் நாடளாவிய ரீதியில் 09 கோரிக்கைகளை முன்வைத்து சுகாதார ஊழியர்கள் காலை 07.00 மணி தொடக்கம் 12.00 மணி வரை தொழிற்சங்கங்க போராட்டத்தில் ஈடுபட்டுவருகின்றனர்.
அந்தவகையில் இதற்கு ஆதரவு தெரிவிக்கும் முகமாக வவுனியாவில் ஜனரஜ சுகாதார சேவைகள் சங்கத்தினரால் பணிபகிஸ்கரிப்பும், ஆர்ப்பாட்ட பேரணியும் முன்னெடுக்கப்பட்டது.
இதன்போது வைத்தியசாலையின் பிரதான வாயிலில் இருந்து ஆரம்பமான பேரணியானது மாவட்ட செயலகத்திற்கருகாமை வரை ஊர்வலம் ஒன்றினை முன்னெடுத்துடன், அவ்விடத்தில் போராட்டத்திலும் ஈடுபட்டனர்.
இதன்போது மேலதிகமான கொடுப்பனவினை நீக்குதல் தொடர்பான சுற்றறிக்கையை நீக்குதல், வங்கியில் அதிகரித்த வட்டி வீதத்தை குறை, நாட்டின். பொருளாதார நெருக்கடியை எம்மீது சுமத்துவது நீதியான விடயமில்லை அநீதியானது போன்ற வாசகங்கள் எழுதிய பதாதைகளை தாங்கியவாறு ஆர்ப்பாட்டத்தில் ஈடுபட்டிருந்தனர்.
