ஐ.பி.எல்.: சர்துல் தாகூரின் அதிரடியால் கொல்கத்தா அணி மகத்தான வெற்றி!

ஐ.பி.எல். ரி-20 தொடரின் 9ஆவது லீக் போட்டியில், கொல்கத்தா நைட்ரைடர்ஸ் அணி 81 ஓட்டங்கள் வித்தியாசத்தில் வெற்றிபெற்றது.

கொல்கத்தா மைதானத்தில் நேற்று (வியாழக்கிழமை) நடைபெற்ற இப்போட்டியில், கொல்கத்தா நைட்ரைடர்ஸ் அணியும் றோயல் செலஞ்சர்ஸ் அணியும் பலப்பரீட்சை நடத்தின.

இப்போட்டியில், நாணய சுழற்சியில் வெற்றிபெற்ற றோயல் செலஞ்சர்ஸ் பெங்களூர் அணி, முதலில் களத்தடுப்பை தீர்மானித்தது.

இதன்படி முதலில் துடுப்பெடுத்தாடிய கொல்கத்தா நைட்ரைடர்ஸ் அணி, நிர்ணயிக்கப்பட்ட 20 ஓவர்கள் நிறைவில் 7 விக்கெட்டுகள் இழப்புக்கு 204 ஓட்டங்களை பெற்றுக்கொண்டது.

இதனைத்தொடர்ந்து 205 என்ற வெற்றி இலக்கை நோக்கி பதிலுக்கு களமிறங்கிய றோயல் செலஞ்சர்ஸ் அணி, 17.4 ஓவர்கள் நிறைவில் அனைத்து விக்கெட்டுகளையும் இழந்து 123 ஓட்டங்களை பெற்றுக்கொண்டது. இதனால், கொல்கத்தா அணி 81 ஓட்டங்கள் வித்தியாசத்தில் வெற்றிபெற்றது.

இப்போட்டியின் ஆட்டநாயகனாக, 68 ஓட்டங்களையும் 1 விக்கெட்டினையும் வீழ்த்திய கொல்கத்தா அணியின் சர்துல் தாகூர் தெரிவுசெய்யப்பட்டார்.