காஷ்மீரின் கைவினைஞர்களின் பணியை ஊக்குவிக்கும் முயற்சியில், கலைத்துறையில் பெண்களின் குறிப்பிடத்தக்க பங்களிப்பை அங்கீகரிக்கும் முயற்சியில், ஃபியர்லெஸ் கலெக்டிவ் என்ற சர்வதேச அமைப்பிற்கு தலைமை தாங்கும் கட்டடக் கலைஞர்-கலைஞர் ஜோயா கான், ஸ்ரீPநகரில் சுவரோவியத்தை பதிவு செய்துள்ளார்.
காஷ்மீரில் முதன்முறையாக உருவான சுவரோவியம், கைவினைத் தொழிலில் ஆழமான தாக்கத்தை ஏற்படுத்திய பெண் கைவினைஞர்களின் உருவப்படங்களைக் கொண்டுள்ளது.
பிரமிக்க வைக்கும் கலைப்படைப்பாக உள்ள இதனை ஃபியர்லெஸ் கலெக்டிவ் 52ஆவது சுவரோவியமாக உருவாக்கியுள்ளது. தன்னார்வ தொண்டு நிறுவனத்தால் நிதியளிக்கப்பட்ட, சுவரோவியக் கலையை பார்வையிடுவதற்காக ஏராளமான பார்வையாளர்கள் தளத்திற்கு வருகிறார்கள்.
இத்திட்டத்தின் பின்னணியில் உள்ள தொலைநோக்கு கலைஞரான ஜோயா கான், காஷ்மீரில் குறித்த கலையை காட்சிப்படுத்துவதன் முக்கியத்துவத்தை வலியுறுத்தியுள்ளார்.
அவர் ‘சுவர் ஓவியக் கலை உலகளாவியது, ஆனால் அதை காஷ்மீருக்கு பெரிய அளவில் கொண்டு வருவது இதுவே முதல் முறையாகும். காஷ்மீரின் நம்பமுடியாத பெண் கைவினைஞர்களுக்கு அங்கீகாரம் மற்றும் பாராட்டுகளை வழங்குவதே எங்கள் நோக்கமாகும்.
அவர்களே இந்த பிராந்தியத்தின் பெயரை வடிவமைப்பதில் முக்கிய பங்கு வகிக்கின்றார்கள். கைவினைத் தொழிலில் தங்களை நிலைநிறுத்திக் கொண்ட பெண் கலைஞர்களை இந்த சுவரோவியம் தெளிவாக சித்தரிக்கிறது, அவர்களின் கலை திறன் மற்றும் அர்ப்பணிப்பு ஆகியவற்றைக் குறிக்கிறது’ என்றார்.
அத்தோடு, ‘கடந்த மூன்று நாட்களில், தளத்திற்கு வருகை தரும் பார்வையாளர்களின் எண்ணவோட்டத்தை நாங்கள் கண்டோம், சுவரோவியத்தைப் பற்றி விசாரித்து, அதில் சித்தரிக்கப்பட்டுள்ள பெண்கள் மீது தங்கள் அபிமானத்தை வெளிப்படுத்துகிறோம்.
இந்த பெண்கள் எங்கள் நகரத்தின் உண்மையான நட்சத்திரங்கள், அவர்களின் விலைமதிப்பற்ற பங்களிப்புகளை கௌரவிப்பதே எங்கள் நோக்கம்’ என்றும் அவர் புன்னகையுடன் குறிப்பிட்டார்.
ஃபியர்லெஸ் கலெக்டிவின் சுவரோவியம் பெண் கைவினைஞர்களின் திறமைகளை வெளிப்படுத்துவது மட்டுமல்லாமல், காஷ்மீரின் கலை நிலப்பரப்பில் உள்ள அபரிமிதமான ஆற்றல் மற்றும் திறமை பற்றிய விழிப்புணர்வை ஏற்படுத்துவதையும் நோக்கமாகக் கொண்டுள்ளது.
கலை முயற்சியானது அதிகாரமளிப்பதை உள்ளடக்கியது மற்றும் பிராந்தியத்தின் கைவினைப் பொருட்களின் வளமான பாரம்பரியத்திற்கு மரியாதை செலுத்துகின்றமை குறிப்பிடத்தக்கது.
