திபெத்திய பௌத்த மதத் தலைவரான தலாய் லாமா மீது திட்டமிட்ட பிரசாரம் முன்னெடுக்கப்படுகின்றமைக்கு எதிராக அனைவரும் ஒருமித்து நிற்கவேண்டுமென புத்திஜீவிகள் கோரியுள்ளனர்.
அண்மையில் சிறுவன் ஒருவனை துஷ்பிரயோகம் செய்வது போன்ற காணொளி வெளியானமை தொடர்பில் உலகளாவிய புத்திஜீவிகள் மேற்படி கோரியுள்ளனர்.
அத்துடன், திபெத்திய சமூகத்தினருக்கு, தலாய் லாமா மீதான குற்றச்சாட்டுகள் சிறிதும் புரியவில்லை. தலாய் லாமா 1959ஆம் ஆண்டு அகதியாக இந்தியாவிற்கு வந்ததிலிருந்து திபெத்திய குழந்தைகளின் நலன் மற்றும் பாதுகாப்பைக் கவனித்து வந்த நீண்ட வரலாற்றைக் கொண்டுள்ளார்.
அறுபத்து நான்கு ஆண்டுகளாக அவர்கள் சார்பாகவும், திபெத்திய மக்களுக்காகவும் அயராது, தன்னலமின்றி உழைத்த பிறகு, இதுபோன்ற ஆபத்தான குற்றச்சாட்டுகள் ஊடகங்களில் தலையிடுவது இதுவே முதல் முறையாகும் என்பதையும் கவனத்தில் கொள்ள வேண்டும்.
மேலும்,தற்போது 87வயதாகும் அவர் திபெத்தை சீனா முழுமையாக தனது கட்டுப்பாட்டுக்குள் கொண்டு வந்தபோது அங்கிருந்து தப்பி இந்தியாவில் தஞ்சமடைந்தார். அவரும் அவரது சீடர்களும் தங்குவதற்காக இமாச்சலப் பிரதேசத்தின் தர்மசாலாவில் இடம் ஒதுக்கப்பட்டுள்ளமை குறிப்பிடத்தக்கது
