நாக் அஸ்வின் இயக்கத்தில் நடிகர் பிரபாஸ் , தீபிகா படுகோன் , அமிதாப் பச்சன் , கமல்ஹாசன் , ராணா , துல்கர் சல்மான் , திஷா பதானி உள்ளிட்ட நட்ச்சத்திர கூட்டணிகள் இணைந்து ‘கல்கி 2898 ஏ.டி.’ படத்தில் நடிக்கிறார்கள்.
அதிக பொருட்செலவில் அறிவியல் கதையம்சம் கொண்ட படமாக உருவாகும் இந்த படம் மிகுந்த எதிர்பார்ப்பை ஏற்படுத்தியுள்ளது.
அண்மையில் படக்குழு அமிதாப் பச்சன் இப்படத்தில் அசுவத்தாமன் கதாப்பாத்திரத்தில் நடிக்கப் போவதாக வீடியோ ஒன்றை வெளியிட்டனர். படக்குழு டிஏஜிங் தொழில்நுட்ப உதவியுடன் அமிதாப் பச்சனை இளமை தோற்றத்தில் காட்சி படுத்தி இருந்தனர். அந்த வீடியோ சமூகவலைதளங்களில் வைரலாகியது.
இந்நிலையில், இப்படத்தின் டிரைலர் வரும் 10 ஆம் திகதி வெளியாகுமென படக்குழு அறிவித்துள்ளது. இத்திரைப்படம் வரும் 27 ஆம் திகதி திரைக்கு வருகின்றமை குறிப்பிடத்தக்கது.
